E k’o keb’ ajchajinelab’ rech ri Wokajil Japache’ e k’o pa chajinik pa le Japache’ Tz’ib’alil rech Cob’an Alta Verapaz xechapatajik kumal reqa’lenelab’ ri División rech Kaq’atexik Pandillas ri’ (DIPANDA) rech ri Wokajil Ajchajil Tinamit (PNC) ri’.
Eri nik’aj xechapataj ri’ e are ri’ a Tránsito Mencos Donado 29 ujunab’ xuquje’ a Álvaro Nicolás Cruz Pérez 32 ujunab’, pa uterenb’exik jun ub’ixik chi kij ri’ rumal toq’inik pwaq xkib’ano are la’ xya’ ub’ixik pa le Sub Estación rech Cobán Alta Verapaz ri’.
Rumal k’ut xya’taj ub’ixik kitzijol ri’ pa awalik rumal jun winaq pa le japache’ tz’apib’al achijab’ rech Cobán ri’ pa le nab’e q’ij rech Abril ri’ k’o jun ch’a’winik xkib’an panoq rech xkitoq’ij wi panoq Q. 3,000.00 ri ub’i’ «talacha», rech man kach’ay ta chik le jun winaq tz’apilik rachalal ri winaq xub’ij ri’.
Rumal ri’ eri tzukunelab’ rech PNC xkiterenb’ej utzijol jun b’anoj k’ax ri’ rumal ri’ xekowin che uriqik juntir ri’.
Rumal wari’ eri Ministro rech Gobernación xub’ij k’ut che man k’ot jun winaq kakuy tane’ umak we k’o jun b’anoj k’ax kakib’an ri e ajchaj pa taq ri jalajoj jachakub’al rech ri Ministerio rech Gobernación ri’.