E k’o keb’ winaq xechapataj loq kumal reqa’lenel ri Subdirección General rech Análisis xuquje’ Información Antinarcótica ri’ rech ri Wokajil Ajchajil Tinamit (PNC), pa le kilòmetro 215 rech ri nimab’e CA-2 juyub’al rech ri Colomba Costa Cuca, Xe’laju’, aretaq keqam b’i pa jun ch’ich’ Q100 mil 500, ruk’ 900 pesos mexicanos xuquje’ ruk’ 80 dólares ri’.
Kab’ixik eri nik’aj winaq xechap loq e are ri’ a Feliz Cac 28 ujunab’ xuquje’ al Sebastiana Mèndez 61 ujunab’, e are ri keb’ ri’ xechapataj pa jun tzukunik rech q’atel awam kunb’alil xb’an chi’.
Eri utzijolil xya’taj kumal e ajchajil tinamit, eri keb’ winaq ri’ e b’enaq pa jun ch’ich’, ri xeq’atexik rech xsolixik jas le kik’amom b’i pa le ch’ich’ ri’, chi upam k’ut xraqataj wi jun k’olib’al rech keqaxik, chi upam k’ut xraqataj ri pwaqil maj pa usaqil ri’.
Rumal ri’ xek’am b’i pa q’atb’altzij chi rij ri xraqataj kuk’.