Eri q’atb’altzi rech ri Ministerio rech Gobernación pa komochak kuk’ ri Wokajil Ajchajil Tinamit (PNC) pa keb’ q’ij ri’ xekowin loq che kichapik nik’aj achijab’ e ajkamisal ixoqib’ ri’, rumal ri’ xya’taj utzijol che e k’o na nik’aj chik kakichap na ri’ pa we amaq’.
Rumal ri’ eri jupuq tzukunelab’ rech investigación criminal ruk’ kitob’anik ri reqa’lenel ajchajil tinamit xkiya’ loq utzijol che e k’o wajxaqbi’ chi winaqil xuquje’ keb’ alab’om xkichap loq rumal kab’ixik e are e ajb’anol k’ax chi ke ixoqib’ rech pa we amaq’ ri’.
Xuquje’ xya’taj loq utzijol che k’o kajib’ chi k’aqb’alil xriqitaj loq pa taq le b’anoj tzukunem, are wa’ katajin utzukuxik rij ri’ we man are ta k’ut ri kojom pa taq nik’aj chik b’anoj k’ax kumal e itzel winaq ri’.