E k’o k’i taq alab’om alitom xe’ok che nimab’al pa le Servicio Cívico ri’

Eri Programa Nacional rech Servidores Cívicos uchomam chik rech are ala’ kab’an pa junab’ ri’, rech e6 mil 007 chi alab’om alitom kakimaj patan nimanem pa qatinamit. Eri cholchak ri’ are la’ kab’an pa 340 chi uq’ab’ tinamit rech ri 22 tinamit rech ri rulewal qatinamit, xcha’ ri Secretaria Ejecutiva rech ri Servicio Cívico ri’.

Eri kasik’ixik ri e q’apojil ri’ xmajtaj pa le 16 rech enero rech kak’is pa ik’ julio rech pa junab’ ri’, are xtaq kab’anik pa le Acuerdo Gubernativo 296-2022 rech paq’ij 29 rech noviembre rech 2022, are chi’ xesik’ixik ri q’apoj winaqila ri’ ri k’o 18 pa 24 kijunab’ rech kakib’an ri nimanem chi ke ri kawinaqil xuquje’ pa katinamit.

Ri Q’atol Tzij rech K’utb’e

Eri q’atb’al Tzij rech ri Departamento rech Tránsito rech ri Wokajil Ajchajil Tinamit (DTP-PNC), xkimaj pa le 10 rech abril ruk’ ri cholchak rech ketijoxik xuquje’ kena’ojaxik ri alab’om alitom rech taq jalajoj kuwach winaqilal rech q’atenik riqoj k’ax kumal ch’ich’ pa taq nimab’e xuquje’ rech kanimaxik ri Taqanem Tzij rech Tránsito ri’; are wa’ ruk’ katob’ani ri Unidad rech ri Prevención Comunitaria rech ri Violencia rech ri Tercer Viceministerio rech Gobernación ri’. Eri cholchak rech nimanem pa tinamit are kak’is ub’anik pa octubre rech we junab’ ri’.

Ri q’alanem k’ax

Eri e ajtoq’il ub’anik ri q’alanem b’anoj k’ax kumal ri e q’apoj winaq, are utaqim katijoxik rech keqaj ta pa k’ax ri alab’om k’o 18 pa 24 kijunab’. Eri tijonem chi ke are kak’is pa le nab’e q’ij rech noviembre ri’.

Eri q’atb’al Tzij xkiya utzijol che ri tinamit qas kepe wi konojel ri alab’om alitom ri’ are pa Runimal Nimatinamit Paxil, pa Izabal xuquje’ pa Suchitepéquez, e aj chi la’ k’ut kepe wi ri 2 mil 507 chi q’apoj nimanelab’ pa tinamit.

Rajil ri patan katoj ri’

Eri patanel rech we cholchak ri’ eri taqanem Tzij kub’ij are katoj chi ke Q10 rech pa jun hora nimanik.

Ri q’ij kumaj ri nimanem

Eri taqanem Tzij rech ri Servicio Cívico kub’ij rajwaxik kakitz’aqatisaj 726 chi horas pa le cholpatan ri’.

Are wa’ ri rajwaxik

·     Aj winaq rech Paxil.

·     Rajwaxik k’o 18 pa 24 kijunab’.

·     Rajwaxik okinaq ta jumul pa le Servicio Cívico ri’.

·     Rajwaxik ri utz ri Wujilal rech Utzijol Winaqib’ ub’i’ (DPI).

·     Rajwaxik k’o pa saqilal uwach ub’antajil ri’.

·     Rajwaxik kanojisax uwach ri wujil rech uta’ik ri okem pa le Servicio Cívico.  

Chinaq k’ut kakaj ke’ok pa rilik pa le plataforma k’o pa le link ri’: link: http://alistamiento.mingob.gob.gt/#/login