Eri Carlos Morales, xub’ij eri utob’anik ri Wokajil Ajchajil Tinamit ri’ (PNC) are la’ qas kuq’atej utijik awan kunb’alil xuquje’ tzam ri’, rumal wa’ e k’o e k’i xkisach kanoq kichak, kachalal xuquje’ kajil kitz’aqat are chi’ xeb’e loq pa calle xuquje’ we kamik are tajin kasukub’axik are la’ maltyox che ri PNC xuquje’ ri Ministerio rech Gobernación, jeri’ nik’aj chik e jo’ob’ chi winaqil kisachom kib’ pa tinamit ri’.
Xub’ij k’ut pane’ b’a’ eri e ajchajinel jun chik uwach kipatan, eri are ri’ sib’alaj kumaltyoxij chi ke rumal tajin kakib’an utzilem chi ke ri winaqil kisachom kib’, eri e are, xub’ij “Sib’alaj tajin kakikoj kichuq’ab’ chiqij uj rumal ri’ kaqak’ut chi kuwach che kujkowonik kujel b’i pa k’ax ri’ ruk’ utoq’ob’ ri Qajawixel.
Xub’ij chi k’ut rech xutaq b’i umaltyoxixik che ri Ministro rech Gobernación xuquje’ che ri Tercer Viceministro rech Q’atenik k’ax rumal k’ut pa 20 q’ij ri’ xkowonik xuresaj rib’ pa le awan kunb’alil xuquje’ pa le tzam, kumaltyoxij ya’om kuwar wi rech kutij ta chik k’ax pa uxo’l b’e pa tinamit, kutij ta chik ri jab’, ri tew xuquje’ tajin utzuqik chi’.
“We chanim oj waqib’ chi winaqil sib’alaj xaqachomaj rech kaqasuk’umaj qib’ e kajib’ k’ut keriqitaj chik pa kachoch kuk’ kachalal, qastzij b’a’ kab’antaj kowonem kak’ex kib’ kakisuk’umaj kib’ rech ke’al loq pa le b’anoj k’ax ri’”, xcha’ ri morales.
E k’i winaq tajin ke’ok pa le suk’umal ib’
Eri e b’inel winaq pa tinamit qastzij b’a’ kakaj ketzalij pa kachoch xuquje’ rech kakaj kek’oji kuk’ ri kachalalil xuquje’ rech kakitij ta chik ri awan kunb’al xuquje’ ri tzam ri’ rumal ri’ eri Tercer Viceministro Carlos García Rubio xub’ij e k’o k’i taq winaq e okinaq pa le jun cholchak rech suk’umalil xuquje’ are la’ pa komon uchakuxik kab’an ruk’ ri secretaría Ejecutiva rech ri Comisión Ajq’atel Tijow Awan kunb’al xuquje’ K’ayin awan jastaq ri’, are wa’ uya’m ri chakub’al rech kachomaxik kesuk’umax ri winaqil ri jun itzel rayib’al chi ke.
“Qijol chik kitzijol ri winaqil che are kaya’ kiwa kirikil xuquje’ kachoch kek’oji wi rech ke’uxulan chi upam chaq’ab’ are la’ kub’an chi ke rech kakitij ta chik ri awan kunb’al xuquje’ ri tzam”, xcha’ ri García Rubio.
Xub’ij chik te k’u ri’ kumaj jun kasuk’umaxik pa le Secretaría ri’ rech e are chik kakichi’laj rech kasuk’umaxik, xuuje’ are tajin uchomaxik rech kab’an wari’ ruk’ ri Consejo Nacional rech ri Juventud rech kakiya’o jujun taq becas chi ke ri alab’om alitom che ri keb’inik keriqitaj pa le calle rech kekowon b’a’ kakik’is katijoxik kub’ ri’ xuqje’ rech kaya’taj jun kichak pa taq le wokajil chakunem ri’.
Pa k’isb’al ri’ eri taqawokajnel ri’ xub’ij eri ja albergues ri’ are la’ e chajin kumal taq ri comisarías ri’ xuquje’ kumal ri subestaciones e k’o apanoq ri e k’o pa uq’ab’ rilik rumal ri’ Sub Dirección General rech Q’atenik k’ax rech kechajin chike ri winaqil are chi’ keq’axaxik xuquje’ chi ke ri qinail che kakijach wa rikil chi ke ri winaqil e aj iximulew ri’ che ri keriqitaj pa calle, are utzilem ri’ katajin ub’anik ruk’ rajchak ri Ministerio rech Desarrollo Social (MIDES).