Eri Wokaj Chajin Tinamit (PNC) pa keqele’nik ri comisarías xuquje’ ri unidades especializadas sib’alaj xkib’an jun nim q’atenik ri e ajb’anol k’ax kakitoq’ij pwaq pa tinamit Iximulew. Pa le tzukuem ri’ eri e ajchajin tinamit xkib’an tzukunem pa kachoch winaq, xkib’inisaj ri puqchajinem chi rij kejach’ich’, xek’oji pa k’olib’al chajinem ri’ xuquje’ xetzukun pa rachoch japache’ tz’apib’al, chi la’ che ri kataq wi uloq ub’anik ri k’ax ri’.
K’a pawe q’ij kamik, k’o nimaq’ taq q’atenik b’anom, ruk’ kichapik uloq e 218 chi uwinaqil e ajtoq’il pwaq. K’a te ri’ xechap uloq e k’i taq winaqil b’anol k’ax, rumal ri’ xchap uloq al Milvia Johanna Morales Carpio, 44 ujunab’, pa Santo Tomás de Castilla, Puerto Barrios, Izabal ri’, xuquje’ al Sara Marilena Recinos Conde, 51 ujunab’, pa le asentamiento La Paz, zona 4 rech Villa Nueva, Iximulew, chi k’ut xq’alajin wi chi k’o jun kaq’atexik xb’antaj ri’.
Rumal k’ut k’o nim tob’anem chi kuwach ri wokaj chajin tinamit kuk’ ri winaqilal are la’ k’o jun nim upatanib’al rech pa uq’atexik ri jun b’anoj k’ax pa le tinamit, ruk’ tajin kaq’alajin ri eqele’mchak tajin rumal ri K’amal B’e Amaq’ Bernardo Arévalo pa le uchakunik ri Ministerio rech Gobernación (Mingob) pa le kojob’al ri utzilaj taq b’anob’al chajinem kub’al k’u’x rech b’anoj utzilem chi kech ri konojel ri achijab’ ri ixoqib’ e aj iximulew ri’.