Eri Viceministra rech Seguridad, Claudia Palencia, xuya utzijolil ri chi kkwuach ri rajpatan ri Cámara rech Comercio xuquje’ Industria Guatemalteco Mexicana (Camex), ri cholchak rech ya’olchajinem taqom ub’anik rumal ri Ministro rech Gobernación Francisco Jiménez kuk’ ri taqawokaj upatan ri’. Are wa’ xb’an utzijoxik pawe q’ij kamik 27 rech febrero ri’ pa le uk’u’x nimatinamit Iximulew.
Pa le uchaiuxik kab’an ri’ are pa runimal ri uchak ri Ministerio rech Gobernación (Mingob) ri ch’ob’otal chik: ri tob’anik chech ri Sector Justicia, ri Wokaj Chajinem pa Tinamit, chech ri Tik’ib’am Taqanem pa Tinamit, rech pa Jikomal Ya’ik Uchuq’ab’ ri Taqawokajil ri’, xuquje’ rech Ukojik pa Uq’ijol ri Tob’chakub’alil ri’.
Xuquje’ eri nimanan patanel xub’ij eri chakunem tajin ruk’ ri sector comercial, are la’ umajik ri jun tob’anem chi kuwach ri Mingob ruk’ ri Camex, rumal ri’ pa kemonchak kakipatanij wari’.
Eri b’anon chakunem pawe q’ij kamik kumal ri Q’atb’al tzij rech ri Taqom Chajim Tinamit pa Amaq’ ri’: are ri b’anoj chajinem pa rachoch taq japache’ tz’apib’al, chi la’ k’ut che ri xetz’apix wi katukel ri 39 chi winaq e ajpache’ rumal k’o ri k’ak’ kimak xkib’an ri’. Xuquje’ tajin ub’anim k’i taq b’inisam puqchajinem pa tinamit, ri are la’ sib’alaj utz retz’eb’exik ub’anik xb’an ri’ ri xkoj wi uk’olib’al ri chajinem rech kechapik nik’aj kamisanelab’. “Eri uwach taq ri chakunem ri’ are la’ rech xb’an ya’olchajinem winaqil pa tinamit rech utz uwach kawok ri tinamit xuquje’ rech pa jikomal kek’oji ri’”, xcha’ le nan al Palencia.