Pa jun nim hotel rech ri zona 10 rech uk’u’x nimatinamit ri’ pawe q’ij kamik xb’an uk’utik uwach ri Ukab’ B’anon rech ri Proyecto rech Policía Comunitaria, ri tajin uloq upatanexik pa 2021 pa le 2026 ri’, rech utaqim ub’anik uk’utik jun utzilaj rachib’al ri wokaj chajin tinamit xuquje’ rech uq’atexik b’anoj k’ax, pa kemonchak kumal ri e ajchajin tinamit kuk’ ri winaqilal, pa le b’anon ch’ob’otal rech kek’oji pa utzilem joremal.
Pa le riqon ib’ xek’oji ri Viceministra rech Seguridad, rech ri Ministerio rech Gobernaciónb, Claudia Palencia, ri k’amal b’e rech ri Wokaj Ajchajin Tinamit (PNC), David Custodio Boteo; ri rajchomanel ri Agencia rech Cooperación Internacional rech ri Japón (JICA), Chihiro Ogata, xuquje’ ri Embajador rech Brasil pa Iximulew, Henrique Sardinha ri’.
Eri Viceministra Palencia xub’ij eri nab’e uchakuxik uwach xumaj oxib’ junab’, chi’ k’u ri’ xuk’am uchuq’ab’ ub’anik ri Policía Comunitaria xuquje’ xub’ij che are la’ xb’an pa kemonchak kuk’ ri winaqilal.
“Eri pa ukab’ ub’anik wari’ are keterenb’ex ub’anik ruk’ taq ch’ob’otal chak rech kub’an utzilem chi kech ri winaqilal. Are wa’ kutun rib’ uchuq’ab’ ruk’ taq ri jastaq chakub’al xuquje’ ruk’ ri tijonem ri’. Eri b’anoj uwi nimatijonem are la’ rech taq uq’atexik ri b’anoj k’ax xuquje’ are qeqele’n ub’anik ri ya’olchajinem pa tinamit winaqilal ri’”, xcha’ ri nan nim patanel.
Xtz’aqat ub’anik ri’
Pa le b’anonem xek’oji ri k’amal ub’e ri wokajil chajin tinamit rech Iximulew, kuk’ rajk’amal kib’e ri chajin tinamit rech Brasil, Colombia, Costa Rica, Estados Unidos rech América, Japón, Honduras, México, Panamá xuquje’ República Dominicana ri’.
Eri uwachtzijonem xutzijox pa le seminario ri’ are xya ub’ixik ucholajil upatan ri Policía Comunitaria ri’ xuquje’ ri utzilem kub’an chi kech ri taq ala, taq ali xuquje’ ri ab’om alitom pa tinamit.
Eri ch’ob’otal chak ri’ are xetaq e 2 mil 500 chi e ajchajinelab’ che upatanexik pa le oxlajuj chi uq’ab’ taq tinamit ri’ rech ub’anik jun utzilaj riqonem chomanik winaqilal ri’.
Jeri’ kutun ub’anik ri ukab’ uwach ri cholchak ri’ che ri “Jicarito” are ub’i’ xkoj kumal ri winaqilal ri rachib’al ri Policía Comunitaria ri’.
Eri Ch’ob’otal chak rech Policía Comunitaria e uk’amom ri’ e 55 subestaciones rech chajin tinamit, ri k’o pa oxlajun chi uq’ab’ taq tinamit rech nimatinamit Iximulew.