Pa lunes 26 rech febrero ri’, eri reqa’lenel ri División Especializada rech Investigación Criminal (DEIC) rech ri Wokaj Ajchajin Tinamit (PNC) ruk’ katob’anik uloq ri Delegación rech Chiquimulilla, Santa Rosa ri’, xkichap uloq jun achi che ri xe’ukamisaj ri keb’ rajtzukunel ri e ajchajin tinamit, ri xk’ulmataj chi la’ pa junab’ir kanoq pa tinamit ri’. Eri jun achi ri’ are kab’ixik ub’i’ al Bayron Enrique M., 42 ujunab’, ri kab’ixik xchap chi la’ pa le barrio El Campamento rech Chiquimulilla ri’.
Eri jun xchap ri’, ruk’ wa’ tajin ub’anik uchapik jun achi che ri xe’ukamisaj che k’aqb’alil ri reqa’lenel chajin tinamit. Are rech b’a’ qas kutoj b’a’ umak ri’. kab’ixik eri keb’ ajtzukunelab’ ri’, e b’enaq che uchapik uloq jun achi b’anol k’ax ri’ ri xkiterenb’ej rij k’i taq wuqq’ij ri’. Ruk’ ri jun achi ri’ xriqitaj jun ch’aweb’al ri are la’ katzukux juntir utzijolil kumal e ajchajin tinamit. Eri jun a Bayron Enrique M., are kab’ixik xub’an ri keb’ kamisanik ri’. Rumal ri’ xtaq uchapik rumal taq ri q’atb’al tzij rech Santa Rosa rech kab’an uq’atik tzij pa uwi.
Ri xk’ulmataj ri’
Eri tzukunelab’ xkiq’alajisaj, ch eri jun achi ri’ are xe’ukamisaj ri keb’ reqa’lenel ri DEIC pa le tinamit ri’. Ri keb’ e ajchajin tinamit ri’ xekamik pa le 12 rech diciembre rech pa junab’ir, rumal xetaqataj chi k’aqb’alil.
Xuquje’, eri jun achi xchapik are kab’ixik xukamisaj jun ixoq are chi’ xuk’aqo, pa le 23 rech marzo rech 2021, pa le calle principal rech Aldea el Carmen, Chiquimulilla, rech Santa Rosa ri’.
Xuquje’ xchap ri are rumal xukamisaj chi k’aqb’a jun achi, pa le 22 rech mayo rech ri 2021, pa le aldea San Miguel Aroche, rech ri uq’ab’ tinamit ri’.