Pa jun b’anoj puqchajinem tzukunik xb’an paq’ij kamik kumal reqa’lenel ri Subdirección General rech Investigación Criminal (SGIC) rech ri Wokaj Ajchajin Tinamit (PNC), xekowon xkichapo e waqib’ chi uwinaqil jun molaj pandilla rech ri Barrio 18, e are kab’ixik kakib’an toq’inik pwaq xuquje’ kamisan winaq. Pa le katzukuxik rumal ri División Nacional rech Q’ateb’al taq Pandillas (Dipanda) xuquje’ rumal ri División Especializada rech Investigación Criminal (DEIC) rech ri PNC, pawe q’ij kamik 26 rech febrero xkib’an jun nim kaq’atexik nik’aj b’anol k’ax ri’ pa le uq’ab’ taq tinamit rech Sacatepéquez xuquje’ Iximulew ri’. Eri puqchajinem tzuknik are xb’an ruk’ taq utob’anik ri Ministerio Público (MP).
Eri nik’aj winaq xechapik e are ri’ al Cynthia Judith A., 21 ujunab’; al Rosa María S., 62 ujunab’; a Josué Domingo R., 21 ujunab’; al Dayana A., 24 ujunab’, xuquje’ al Wendy Marisol P., 21 ujunab’ ri’. Eri nik’aj winaq ri’ xtaq kchapik pa le 25 rech febrero rumal jun q’atb’al tzij k’o chi la’.
Eri nik’aj winaq ri’ e are kab’ixik kakib’an q’atoj toq’inik pwaq kuk’ nik’aj chik.
Xuquje’ kab’ixik xchap uloq a José Dionisio Y., 21 ujunab’, alias “Zombi”, kab’ixik are ub’anom kamisan winaq xuquje’ unaqijim b’anoj kamisanik. Eri jun achi ri’ are kab’ixik xub’an jun k’aqanik pa le 22 rech febrero pa jun qach’ib’al kiwi’ winaq ri k’o pa le colonia Hamburgo, zona 8 rech Mixco, chi la’ k’ut xkam wi jun achi xuquje’ jun ixoq, xuquje’ e k’o nik’aj keb’ chik winaq xe’usak chi la’.
Eri b’anoj puqchajinem ri’ are kuk’utu chi k’o nim nimab’al tajin che ub’anik ri K’amal B’e Amaq’ Bernardo Arévalo pa le reqele’n ri Ministerio rech Gobernación (Mingob) ri’ rech uq’atexik taq ri q’atoj toq’inik pwaq kumal ri e ajb’anol k’ax pa Iximulew, rech ruk’ wari’ are kechajixik ri winaqilal xuquje’ rech ri ya’olchajinem pa le qatinamit.