Are wa’ rech taqim katijoxik ri rajchak ri Wokajil Ajchajil Tinamit rech ri jalajoj taq jachakub’al rech b’anoj tzukunem ya’olchajinik, rumal ri’ eri q’atb’altzij rech ri Escuela rech Especialidades rech ri Subdirección General rech Tijonem xuquje’ Uk’utb’alil ri PNC, xkib’ij e k’o chik e joq’o’ lajk’al chi eqa’lenelab’ e elinaq chik pa le tijob’alri’ pa le 2012 k’a we kamik ri’.
Eri María Figueroa, Uk’exel K’amal b’e rech ri Escuela rech Especialidades, xub’ij che ri Tijob’al ri’ are kub’an ri ub’e’al uchak ri SGEP rech PNC xuquje’ ri rajwaxik chi ke ri e ajchajil tinamit ri’ jeri’ pa nojimal kakik’is katijoxik kib’ rech kekowin che uq’atexik ri b’anol taq k’ax ri’.
Chi rij utzijol ri chak b’anom ri, eri Figueroa, xub’ij ri’ che k’o lajuj uwach taq b’anoj tijonem kojom ri’, “jun chi ke ri’ are rech b’anoj tzukno’jchak, ri ub’anik q’atel k’ax, rech Disetur Q’atel awan kunb’alil, rech rilik we tzij kub’ij jun winaq, ri b’anoj k’ax chi ke ak’alab’, are wa’ xmajtaj loq pa le 2012 k’a we kamik e k’o chik joq’o’ lajk’al (4 mil 200), pa jun 30 por ciento ri’ chi ke konojel ri ixoqib’ xkitijoj kib’ ri’”.
Rech b’a’ ke’ok ri ajtixel pa jun tijonem ri’ eri Uk’exel K’amal b’e xub’ij che are ri’ kab’antajik we k’o sik’ib’anem kab’an ri’ xuquje’ chi rij ri kataq ukojik ri’.
Eri Tijob’al are ke’uq’i’ e jo’lajk’al chi e ajtijoxel, pa le uq’ijol ri jun itzel yab’ilal, xaq xu’ wiri’ xya’taj chi ke e oxk’al jo’ob’ chi eqa’lenelab’ xe’ok chi’, rech xkinimaj ri xutaq ub’anik loq ri k’amal b’e amaq’ rech kakiya’ kuxo’l ri winaq chi kuwach, ri ketax umeq’inal kich’akul winaq, kakich’aj kiq’ab’ xuquje’ pa kaqan ruk’ ri gel ri’.
Pa k’isb’alil, eri q’atb’altzij rech ajchajil tinamit xkiya’ loq utzijol che are chomatal chik ketijoxik rech kakik’is katijoxik kib’ e kaq’o’ lajk’al (1 mil) chi e sak’ajil eqa’lenelab’ rech ri jujun reta’mab’alil b’anoj chakunem che ri taqom ukojik rumal ri K’amal b’e rech PNC ri’.