E k’o nik’aj e ajeleq’al ch’ich’ rech eqa’nib’al xechapataj loqSin título

Rumal pa awalik xub’ij loq jun loq’ winaq chi ke ri reqa’lenel ri comisarìa 14 che e k’o nik’aj elaq’omab’ kakeleq’aj ch’ich’ rech eqa’nib’al ri’ rumal ri’ e k’o e jo’ob’ chi elaq’omab’ rech kaxonach’ich’ xkichap loq eri e are ri’ e taq wa’ a Josué Abraham Méndez, 29 ujunab’, a Lester Rolando Lares, 27 ujunab’, a Antonio Alexander Noriega García, 28 ujunab’, a Miguel Ángel Mazate Mirón, 35 ujunab’ xuquje’ a Vitalino Gómez Carreto, 35 ujunab’.

Eri q’atb’altzij xkib’ij che ri jun molaj elaq’omab’ ri’, k’a te kanoq xkik’am b’i jun ajb’inisal ri jun ch’ich’ rech eqa’nib’al pa le sector rech Villa Nueva, aretaq reqam b’i jastaq rech k’ayib’al eri rajil are Q100,000 chi pwaqil rech ri Ixim Tinamit ri’.

Aretaq xkilo che ri xaq k’a te’et xeraqatajik kumal e ajchajil tinamit eri nik’aj b’anol k’ax ri’ xkitzaq kanoq le ch’ich’ ri’ pa le 45 calle xuquje’ 1ª avenida, Prados rech Monte María 1, zona 12 xuquje’ xkitzaq kanoq chi’ jun k’aqb’al ri xa’ keleq’am b’i pa le zona 3 rech Mixco pa le q’ij 17 rech septiembre rech pa junab’ir kanoq ri’.

Eri jun molaj elaq’omab’ ri’ xkit xkanij kib’ pa jun ch’ich’ Mazda¸ P-652GLQ, emu wari’ xb’antaj kowinem xechapataj loq pa le 39 calle, pa wi le calzada Raúl Aguilar Batres zona 12 ri’.

Pa le tzijol kumal ri PNC xq’alajin wi che ri jun a Miguel Ángel Mazate Mirón k’o umak rech toq’inik pwaq ub’anom kanoq, pa le 7 rech octubre rech ri 2014, en k’u ri jun a Vitalino Gómez Carreto xq’alajinik k’o umak ub’anom kanoq rech xukamisaj jun winaq ri’ pa le 9 rech diciembre rech ri 2009 xuquje’ eri jun a Alexander Noriega, xq’alajinik k’o k’ax elaq’ ub’anom ri’ pa le 25 rech mayo rech ri 2017 ri’.

Noticias Recientes