Sib’alaj katajin kaq’atexik ri nik’aj e ajtoq’ip pwaq chi ke winaq ri’, rumal ri’ eri reqa’lenelab’ ri Wokajil Ajchajinelab’ e Ajq’atel taq Pandillas (IDIPANDA) ri’, rech ri Wokajil Ajchajil Tinamit, pa le 16 avenida A, 17 calle zona 6 Colonia Cipresales ri’, xkichap wiloq e keb’ chi pandilleros ri xkitoq’ij pwaq che jun ajk’ay chi la’.
Eri nik’aj xechapataj ri’ e are ri’ jun ixoq ub’i’ Madeline Mishell Rodríguez 18 ujunab’ xuquje’ jun achi ub’i’ Julio David Godinez Zepeda, 38 ujunab’ ri’, chi ke ri’ eri eqa’lenelab’ xkiriq jun k’olib’al b’anom che k’o ri toq’im pwaq chi upam, ruk’ keb’ chi ch’a’wib’alil, jun ch’a’wib’alil ri xkoj rumal ajtoq’il pwaq ri’ xuquje’ ruk’ jun Ch’ich’ marca Mitsubishi Placas rech kab’inisaxik P757HJQ ri’.
Xterenb’ex ub’anik tzukunem chi rij jun b’iw ub’ixik b’anoj k’ax rumal jun winaq che xb’an k’ax chi re xuquje’ xb’is che kikamisaxik we man kutoj taj ri Q. 1000 chi pwaqil ri’ rech kumaj b’i ri tojinik ri’ xuquje’ rech kutoj 20 chi pwaqil pa jujun taq wuqq’ij.
Rumal ri’ xkoj jun k’olib’al rech b’anoj tzukunem ya’olchajinik ri’, chi’ k’u ri’ xchapataj wi jun winaq ri’.
Eri q’atb’al tzij xkib’ij che ri keb’ b’anol k’ax ri’ e uwinaqil ri jun clica Lewis Gánster rech ri Barrio 18, che ri kakib’an k’ax pa taq k’ayib’al rech ri zona 6 ri’.