Pa aninaqil b’a’ eri ajchajil tinamit pa nimatinamit, chi la’ pa zona 8 rech ri tinamit Villa Nueva chi’ xechapataj wi loq pa aninaqil nik’aj b’anol k’ax ri’ a Guadalupe Jerónimo 33 ujunab’, ri Maribel Franco Castro 37 ujunab’ xuquje’ a Edwin Osoy Tun 53 ujunab’.
Eri e ajchajil tinamit xkib’ij eri nik’aj b’anol k’ax ri’ xkaj xkeleq’aj jun alaj ak’al ala waqxaqib’ ujunab’ emu ri rachalal pa aninaqil xkisik’ij panoq ri PNC ri pa aninaqil k’ut xe’opanik xakichapo nik’aj eleq’al ak’al ri’ xuquje’ xkiriq jun k’aqb’al kuk’.
E nik’aj b’anol k’ax ri’ k’o k’aqb’ali maj pa usaqil kakik’ayij ri’
E are k’ut ri reqa’lenel ri Wokajil Ajchajinelab’ rech Uq’atexik k’aqb’alil ri’ (DIDAE) ri xkiriq jun ch’ich’ ri’ pa le colona Lomas de Pamplona pa le zona 13, b’inisam b’i rumal Samuel Isaí Pérez Sorto 31 ujunab’ pa le ch’ich’ ri’ kik’amom wi b’i jo’ob’ chi k’aqb’alil ruk’ k’olib’al ub’aq’ maj uwujil, rumal ri’ xek’am b’i pa Nimq’atb’altzij ri’.