Pa aninaqil ri’ eri reqa’lenel ri Wokajil Ajchajil Tinamit (PNC) e k’o oxib’ chi elaq’omab’ xechapatajik pa Nimatinamit Iximulew xuquje’ pa Xe’laju’ ri’.
E pa keb’ q’ij rech octubre ri’, eri reqa’lenel ri Comisaría 14 xkichapo pa le colonia Mariscal, zona 11 uk’u’x nimatinamit, a Erwin Alfredo Navas Rixtun, 43 ujunab’, ri kab’ixik k’o jun k’aqb’al xriqitaj ruk’ kab’ixik eleq’am b’i pa le nab’e q’ij rech septiembre rech 2019 ri’.
Iwir k’ut, eri reqa’lenel ri Comisaría 41 xkichap loq a Edwin Guillermo Juc Cal, 31 ujunab’ xuquje’ a Alejandro Chen Juc, 48 ujunab’ ri’, pa le zona 1 rech La Esperanza, Xe’laju’ ri’.
Eri nik’aj winaq xechap ri’ xejach loq kumal ri e k’amol b’e winaqilal, eri nik’aj winaq xechap ri’ kab’ixik e are xkeleq’aj jun ch’ich’ uch’aweb’alil ri jun oxiq’ 38 ujunab’.
Eri xchap pa konojel ri’
Eri PNC xuya ub’ixik utzijol ri’ che pa jun q’ij ri’, e k’o 68 chi winaqil xechap ri’ chi ke ri’ e k’o 38 xechap pa nimatinamit xuquje’ e k’o 38 chik xechap loq pa taq tinamit. Xuquje’ k’o waqib’ chi k’aqb’alil xuquje’ oxib’ chi kejach’ich’ xeriq ri’.