E k’o oxib’ q’apojil xeriqtaj pa tzukunik pa zona 6 pa nimatinamit

Eri Subdirección General rech Investigación Criminal (SGIC) rech ri Wokajil Ajchajil Tinamit (PNC) k’o keb’ chi tzukunem pa zona 6 rech pa Nimatinamit, chi k’u ri’ xeriqtaj wi oxbi’ e q’apojil, jun achi ke ya’om pa alerta Alba Keneth ri’.

Eri b’anoj tzukunik ri’ are xb’an rumal ri Departamento rech Investigación rech Uq’atexik b’anoj k’ax che kik’aslemal winaq ri’, rech ri División Especializada rech Investigación Criminal (DEIC), are wa’ xb’an pa le ja k’olib’alil k’o pa le Colonia Cipresales, zona 6 ri’.

Chi la’ k’ut xeriqtaj wi’ oxib’ chi e q’apojil, chi’ k’u ri’ xeriq wi a Daniel Josué Hernández Campos, 17 ujunab’, ri ya’om utzijol pa Alerta Alba Keneth ri’; al Lucrecia Esmeralda Yool Utz, 15 ujunab’, ri xsach pa le 26 rech octubre rech ri Cantón San Andrés Itzapa, tinamit rech Chimaltenango, xuquje’ a Antony Damian Morales Gómez,  15 ujunab’, rech ri tinamit Escuintla ri’.

Chi la’ k’ut xechap wi loq rech q’alajisab’al b’anoj k’ax ri’: jun kejch’ich’, jun tob’al ujolom ajb’inisal kejch’ich’ chajchoj rij xuquje’ kajib’ chi ch’a’wib’alil, xuquje’ xta kitzijol e lajuj chi winaqil xuquje’ jun ch’ich’ ri’.

Alerta de Corrupción

Ultimas noticias