Pa k’i b’anoj tzukunik xb’antaj kumal ri reqa’lenel ri Wokajil Ajchajil Tinamit pa komonchak ruk’ ri Ministerio Público, are rech taqim kaq’atexik nik’aj e itzel molaj b’anol k’ax chi la’ Palín, Escuintla.
Eri jun chi ke ri’ xch’ob’otaj uwach are ri’: a Rolando Amalen Cal 33 ujunab’ are taqanel chi ke ri jun molaj e b’anol k’ax, xchap loq pa le 4avenida Barrio San Pedro uq’ab’ tinamit rech Palin, a Jairon Roberto Woanerges Cisneros, 32 ujunab’ xuquje’ a Melvin Francisco Linares Guillén, 28 ujunab’. Kab’ixik e are xkib’an elaq’ chi ke ri winaq chi’, xuquje’ k’o winaq xkikamisaj ri’.
Eri nik’aj winaq ri’ kab’ixik e are xkikamisaj jun winaq pa le 7 rech diciembre rech ri 2019 pa tinamit rech Palín. Eri winaq xkib’an k’ax che xa’ xkesaj uxkolob’ chi saq xuquje’ xa’ xkipuch’ pa uqul jun chik winaq pa le q’ij ri’.
Eri q’atb’altzij ri’ xkib’ij, eri kamisab’al xkikoj che kikamisaxik ri winaq ri’ are jun machat ruk’ wa’ sib’alaj xkixib’ij ri winaqil chi’.
Rumal ri’ xb’antaj kowinem xechapataj loq.
Eri Korlim Ya’olchajinik ri’ che ri xb’an pa Escuintla xuquje’ pa waqib’ uq’ab’ tinamit ri’, are xtaq ukojik chi’ rumal ri k’amal b’e Amaq’ Alejandro Giammattei, rumal ri Ministro rech Gobernación Edgar Godoy xuque’ rumal ri Viceministro rech Seguridad Gendro Reyes ri’.
Pa oxib’ q’ij katajin ri Korlim Ya’olchajinik ri’, e k’o chik 35 chi winaqil e chapom chi loq rumal jalajoj b’anoj k’ax, ruk’ keb’ molaj b’anol k’ax e q’atim chik.