Eri rajilnik xya’taj pa k’utem rumal ri Wokajil Ajchajil Tinamit (PNC), rech ri 22 rech marzo pa le 30 rech abril e k’o 15 mil 140 chi winaqil xechapataj ri’ rumal xkinimaj ta ri maj b’anoj wa’katem pa amaq’.
Eri comisarìa che ri qas e chapom wi winaq ri’ are pa le rech Cobàn pa Alta Verapaz chi la’ k’ut e chapom chik 1 mil 088 chi winaqil ri’, terenb’em rumal Escuintla ruk’ 1 mil 069 ri’, te k’u ri’ chik rumal Chinab’jul chi’ e chapom cik 1 mil chi winaqil ri’, pa Quichè e k’o chik 904 e chapom ri’ xuquje’ pa San Marcos e chapom wi 798 ri’.
Eri e chapom chik e k’o 14 mil 232 ri’ chi ke ri’ e k’o 08 chi ixoqib’ ri’. Xuquje’ e k’o 307 chi alab’om ri’.
Eri e b’enaq che kaqan e k’o 12 mil 806 xechapatajik, eri e b’enaq chi rij kejch’ich’ e k’o 1 mil 205 ri’, eri e b’enaq pa taq ch’ich’ e k’o 500 ri’ xuquje’ eri e b’enaq pa taq pa Pick Up e k’o 335 ri’.
Rumal ri’ eri q’atb’altzij tajin kakib’ij chi ke ri winaqil rech chakisaqab’isaj kib’ rech ketzijtaj ta rumal ri jun k’ax yab’il ub’i’ COVID-19 ri’.