Pa le unimaxik upatanixik ri Plan Operativo Tàctico Ya’olchajiem No.003-2019 ,”Jaguar Nocturno II” xkichapo loq jun achi ub’i’ Gersan Rivera 44 ujunab’, aj winaq ri are rech Tabasco México, ruk’ a Edgar Benjamín Paz Meléndez 40 ujunab’, ri are aj winaq rech Nuevo Paraíso xuquje’ ri 107, La Libertad Petén ri’.
Eri b’anoj ya’olchajinem kumal e ajchajil tinamit pa le rulewalil sib’alaj chajim rech ri Sierra Del Lacandón, laguna rech Abeldaño, qas chi la’ pa le coordenadas X428469 xuquje’ 1894832, chi’ xechap wi loq ri keb’ winaq ri’ kumal ri e ajchajinel Rossil,, Bernardo Lòpez, e tob’am kumal ri reqa’lenel ri Wokajil e Ajchajil Amaq’ rech Iximulew xuquje’ rumal ri Guadalupe Meléndez técnico rech ri Consejo Nacional rech Áreas Protegidas (CONAP) ri’.
Eri reqa’lenel ri División rech Protección che ri Rulewal K’ache’laj (DIPRONA)ri’ rech ri Wokajil Ajchajil Tinamit (PNC) xkiya’ loq eri e are ri’ aretaq xeraqatajik xechapataj loq ri’ eri nab’e chi ke aretaq reqam b’i jun raqarik k’aqb’alil chu’ uteleb’ ri’, ruk’ keb’ ub’aq’ reqam b’i ri’, aretaq xtaq uwujil chi re maj k’ot xuk’utu ri’.
Eri jun chik che ri xchapik aretaq katajin che uchaqe’jisaxik uxaq che rech ri awan kunb’alil Marihuana rech katij kumal winaq, rumal ri’ pa aninaqil xchap b’i xuquje’ xk’am b’i pa Q’atb’altzij rech las Cruces, Petèn, jeri’ kub’ij chi upam le wujil rech q’atb’altzij 68-2020 ri’.
xuquje’ xeyexik ri Ministerio Pùblico chi rij ri’ rech xopan che le rilik, upisik xuquje’ rech xe’opan chi’r i reqa’lenel ri SGAIA rech xketaj rilik wari’, xcha’ ri Oficial III Monroy.