Pa k’i b’anoj tzukunem kumal reqa’lenel ri Wokajil Ajchajil Tinamit pa komonchak ruk’ ri Ministerio Público, are rech kaq’atexik jun molaj b’anol k’ax kib’i’ “Los Macheteros”, chi la’ Palín, Escuintla.
Eri jun chi ke che ri xchapik xch’ob’otaj uwach kab’ixik are ri’: a Rolando Amalen Cal 33 ujunab’ are taqanel rech jun molaj b’anol k’ax, xchapataj loq pa le 4avenida Barrio San Pedro pa uq’ab’ tinamit rech Palin, a Antony Alexander Sequen Colindres 19 ujunab’, e jun winaq ri’ are k’o k’i mul taqom uchapik loq.
Kab’ixik are xukamisaj jun winaq pa le 7 rech diciembre rech ri 2019 pa tinamit rech Palín. E le winaq xa’ xkitach’o xkesaj uxkolob’ chi saq xuquje’ k’o jun chik xa’ xkiwap pa uqul pa le q’ij ri’.
Eri q’atb’altzij ri’ xkib’ij eri kamisab’al xkikojo are jun machat ruk’ wa’ xkixib’ij wi ri winaqil che ri xkib’an k’ax chi ke.
Rumal ri’ xtaq kachapik nik’aj winaq ri’.
Pa le Korlim Ya’olchajinik pa Escuintla xuquje’ pa waqib’ uq’ab’ tinamit chi’, che ri xtaq ukojik rumal ri K’amal b’e Amaq’ Alejandro Giammattei, rumal ri Ministro rech Gobernación Edgar Godoy xuquje’ rumal ri Viceminstro rech Ya’olchajinik Gendri Reyes.
Pa le oxib’ q’ij katajin ri Korlim Ya’olchajinik ri’, e k’o chik 35 chi winaqil e chapom chi loq rumal jalajoj b’anoj k’ax, xuquje’ e k’o keb’ molaj winaq e b’anol k’ax xechapataj loq.
Eri xechapataj ri’ are rumal b’anoj kamisanik ri’, are wa’ uwach ri chakunem xb’antaj kumal ri tzukunelab’ rech ajchajil tinamit ri’.