Eri nik’aj e ajb’anol elaq’ e uwinaqil jun molaj b’anol k’ax pa Xe’laju’ ri’, rumal ri’ we kamik eri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit xuquje’ ri q’atol tzij rech ri Ministerio Público, k’o b’anoj tzukunik xkib’an pa jun ja che ri k’o pa le 29 avenida 6-91 interior zona 7 pa tinamit chi xraqataj wi 50 chi jastaq maj pa usaqil ri’.
Pa jun k’olib’al ri’ xraqataj wi: keb’ kaxon rech pimawuj chi upam k’o wi 597 chi uch’aqapil ch’ich’ keb’inisaxik, ruk’ waqxaqib’ chik, ruk’ jo’ob’ kuchb’al, keb’ q’axaltzij, 40 chi placas, keb’ tz’ib’ab’al, kab’lajuj chi kuchb’alil, jun rab’ajk’olib’al ruk’ 72 wuj b’otol rech moyb’al rij ch’ich’, 183 chi alfombras, 83 k’olib’al rech wosow, jo’ob’ q’atib’al q’ij, kajib’ wokom ch’ich’, kajib’ spoiler rech ch’ich’, b’elejeb’ chi laq, oxib’ bumpers rech ch’ich’, waqib’ tob’al rech ch’ich’, waqxaqib’ ch’ich’ rech tzakb’al, jun rachib’al DPI, kajib’ tob’ab’al rech pa xikin, jun tzijob’al, atz’iyaqb’alil xuquje’ k’o jastaq uwach chik, k’i pisob’al kojom ub’i’ rech keqaxik, 59 chi xajab’ rech jalajoj retalil, ruk’ tz’apib’alil rech ch’ich’, keb’ kach’ib’alil, jun kach’ib’al chik xuquje’ jun qupib’al rech ch’ich’, ruk’ nik’aj b’arreta xuquje’ nik’aj chik jastaq maj keleq’am ri’.
Eri tzukunem xb’an chi kij ri’ rumal k’o jun winaq pa awalik xuya’ loq ub’ixik ri’ che k’o jun elaq’ xb’an pa jun nim k’ayib’al pa le 13 rech enero rech 2020 ri’.