Eri Urox Viceministerio rech q’atenik k’ax ri’ pa reqa’lenik upatan ri Unidad rech Género, K’ib’anikil Winaqil, Q’apojil xuquje’ Ak’alab’il ri’ k’o jun nim tijonem ub’anik pa uwachwu rech alerta Isabel – Claudina kakiya’ ri’, chi ke rajchak e k’o pa Uk’u’x Rachoch ri’, ri rech taq uq’ab’il ri Ministerio rech Gobernación ri’ kuk’ ri rech taq gobernaciones rech pa taq tinamit ri’.
Eri taqim ruk’ ri tijonem ri’ are rech kek’uttijoxik ri ixoqib’ achijab’, chi rij ub’anik upatanil rech ri alerta ri’ kab’anik rech ketzukux pa aninaqil ri ixoqib’ e sachinaq ri’, are wa’ ub’anik rech b’iw ub’ixik ri’ rech kekoj pa b’iw ub’ixik ri’, xuquje’ rech uch’ob’ik ri ya’talil winaqil chi ke ri ixoqib’ pa we amaq’ ri’.
Eri Alerta Isabel-Claudina ri’ are kuya’ pa saqil uwach ri Taqanik rech Ketzukux pa Aninaqil ri Ixoqib’ Kesachik, pa le decreto 09-2016 rech ri B’anb’al Taqanib’al pa Amaq’il rech utaqim ri’, ukojik jun b’anoj katzukuxik xuquje’ rech k’o keya’ wi aretaq keriqitaj loq rumal k’o b’anoj k’ax kab’an chi ke ri’, rumal ri’ k’o e kamisam xuquje’ rech kek’am b’i pa taq kik’olib’alil wene’ pa taq katinamit ri’.
Eri taqanik ri’ k’o oxib’ uwach kupatanij, rech kanimaxik ri ya’talil che ri kiwinaqil ixoqib’ ri’, rech pa aninaqil ketzukuxik ri’, rumal ri’ sib’alaj rajwaxik k’o b’iw ub’ixik kitzijol kaya’ loq pa wujil ri’, pa ch’a’wib’alil xuquje’ b’iw ub’ixik loq kumal winaq ri’, are wa’ pa awalik kaya’ loq ub’ixik kumal winaq ri’.
Are utz b’a’ kechomax ri’ rumal ri’ k’o jun komonchak kumal ri wokajilal rech ri Taqawokaj pa Amaq’ jacha’ ruk’ ri Ministerio rech Gobernación xuquje’ Relaciones Exteriores, ruk’ ri Wokajil Ajchajil Tinamit, ruk’ ri Ministerio Público, ri Instituto Guatemalteco rech Migración, ruk’ Procuraduría General rech ri Amaq’ilal, pa uchakunik reqale’n ri Unidad rech Protección rech ri Derechos kech ri Ixoqib’, ruk’ ri Secretaría rech Comunicación Social, ri Secretaria rech Q’atel Violencia Sexual, Explotación xuquje’ Trata rech Personas, ruk’ ri Comisión Presidencial rech Uq’atexik ri Femicidio ri’ xuquje’ kuk’ ri oxib’ organizaciones no gubernamentales ri’, ri rajwaxik pa aninaqil ri’ kechomanik jacha’ ri kab’anik kub’ij ri Taqanem chi rij ri’.
Chinaq k’ut karaj k’o kub’ij loq pa aninaqil pa le 1572, rech chi paq’ij chi chaq’ab’ ri’ xuquje’ rech k’o ilonem ri’ e ajchak ixoqib’ k’ut ri kakita loq pa aninaqil pa amaq’el ri’.
Pa le 27 rech julio k’a pa le 17 rech septiembre rech ri junab’ 2020 k’o 202 chi alertas kojom ub’ixik ri’, chi ke ri’ k’o 138 e riqom chik xuquje’ eri 99% chi ke ri ixoqib’ ri’ e k’aslik e riqom loq. Pa we amaq’ pa Ixim Tinamit, pa Escuintla xuquje’ pa Xe’laju’ chi’ k’ut qas e sachinaq wi e k’i chi ixoqib’ ri’.
E k’o 100 e ajchakunel ri’ rech ri Ministerio rech Gobernación xetatb’en pa le k’uttijonem pa uwachwuj ri k’o kajib’ kajb’al xumaj ri b’anoj tijonem ri’.