Eri Wokajil Ajchajil Tinamit are utaqim uya’ik ri wujilal kesax kuk’ rech k’ax ta chik kakitij ri winaqil che resaxik ri’, rumal ri’ pa le ik’ octubre xkikoj jun uwachwuj k’amq’aq’nil rech resaxik kumal winaq ri’.
Chinaq winaq kikaj kakesaj ri wujilal ri’ ya’tal chik kakesaj pa le uwachwuj k’amq’aq’nil, are rech ke’ok b’a’ pa le uwachwuj rechi ri Ministerio rech Gobernación ri’ www.mingob.gob.gt chi uwach k’ut k’o wi ri link retal rech kab’an okem pa le uwachwuj k’amq’aq’nil ri’ https://policiales.pnc.gob.gt/ rech katerenb’ex resaxik chi’.
Eri nab’e rajwaxik kab’anik are katz’ib’axik kitzijol ri winaqil ri’ jcha’ ri’: rajilab’al ri uwujil ub’i’ (DPI), uq’ij ralaxib’al, ri correo electrónico xukquje’ jun contraseña rech ujaqik jun usuario ri’, are ri tzijol kojom rumal ri Registros Nacional rech Personas RENAP, are upatan rech uterenb’exik resaxik ri wujilal ri’, rech te k’u ri’ kataq b’i che ri winaq jun correo rech kuril we utz ujaqik ri usuario ri’.
Eri jun chik ub’anik are rech kukoj le usuario xuquje’ ri contraseña ri winaq ri’, rech kunojisaj ri tzijol kata chech ri’: ri rajilab’al wujtojb’al xb’an pa pwaqb’al ja rech Q30.00 ri’ xuquje’ are ri rajilab’al ri wujtojb’al rech pa pwaqb’al ja pa uwachwuj k’amq’aq’nil, rajwaxik katz’ib’ax qaj ri rajilab’al kub’ij pa le wujtojb’al ri tz’ajom pa le wujil ri’ xuquje’ ri q’ij rech xya’taj loq.
Pa utukel kopan pa le correo electrónico winaq ri’, ri awujil antecedentes policiales ri’ pa ub’anik PDF rech katz’aj resaxik ri’.
Eri antecedentes ri’ kojom jun código QR ri ya’talil kil utzijol kumal ri winaqil e ajesal rech ri’ rech kilik ri upatan ri’.
Eri PNC k’a pa le ik’ rech octubre rech ri junab’ 2020 xukoj jun ilob’al esab’al rech wi ri wujilal rech ri antecedentes policiales pa uwachwuj k’amq’aq’nil, ruk’ wa’ are k’ax resaxik ri wujilal kumal ri winaqil e ajkojol rech ri’ xuquje’ are rech wa’ kakicholajisaj ta chik kib’ ri winaq che resaxik ri’ xuquje’ rech uq’atexik ri jun itzel yab’il rech ri Coronavirus COVID-19 ri’.
K’a pa le lajuj q’ij rech octubre kanoq xkoj jun esab’al pa uwachwuj k’amq’aq’nil ri’, we kamik e k’o 192 mil 439 chi winaq e ajkojol rech chik chi ke wari’ e k’o 173 mil 679 chi wujilal rech antecedentes ri’ esam chik kumal ri winaqil ri’.
Rumal k’ut rech maj jun winaq tane’ kub’an k’ax tane’ chech ri’, k’o jun tz’apib’al uwach ri’ rech pa keb’ q’ij, wexa’ k’o jun winaq tane’ pa oxmul kukoj tane’ ri rajilab’al ri wujtojb’al pa pwaqb’al ja ri’.