Eri reqa’lenel ri Sub Dirección General rech Prevención del Delito (SGPD) ri’ rech ri Wokajil Ajchajil Tinamit (PNC), k’o rax ichaj ruk’ jastaq katijik xkijach chi ke ri winaqil pa San Agustín Acasaguastlán El Progreso ri’.
Eri q’atb’altzij rech ajchajil tinamit are wa’ xib’ano rech kakitaqij ri b’anoj k’i uwach taqkil ri’ rech ketob’anik chi ke ri winaqil keriqitaj pa meb’a’il chi la’, rumal ri’ ruk’ utob’anik ri cooperativa 4Pinos, xkijach rax ichaj, ichaj xuquje’ nik’aj chik jastaq katijik are xkijach chi ke ri winaqil rech ri aldea El Ixcanal, rech ri tinamit ri’.
Ruk’ b’anoj tob’anik ri’ are xb’an utzil chi ke e 200 chi puq winaqil e achalalil, ri sib’alaj xkimaltyoxij xuquje’ xkitya’ kitzij rech pa komonchak kechakun b’a’ uk’ ri PNC ri’.