Eri Departamento rech Tránsito rech ri Wokajil Ajchajil Tinamit ri’ k’a pa le 11 rajilab’al q’ij rech enero xumaj loq ri ya’ltzij rech Peatón Seguro, ruk’ wa’ are taqim kapixb’axik ri winaqil kewa’kat pa taq ri nimab’e pa tinamit rech kakiriq taq k’ax pa taq nimab’e ri’.
Eri ya’ltzijol ri’ are katajin pa nimatinamit, rech xkijach ri wujtzijol kena’jolixik rech jas ub’anik kilik kchomaxik ri winaqil kiriqom k’x ri’ xuquje’ rech xkitzijoj ri upatanib’al ri kiq’axnik pa nimab’e ri’, rech are ke’ok’owik pa taq ri retal q’axib’al, pa taq ri kib’inib’alil xuquje’ keq’ax pa taq ri q’axib’al kojom ri’ rech kakiq’axej ta ri nimab’e ri’.
Eri ya’ltzijol Peatón Seguro ri’, are xmajtaj loq rumal rajwaxik qas kab’an rilik kitzijol ri winaqil rech kakiya’ ta kib’ pa k’ax ri’, rumal k’ut eri winaqil kiriqom k’ax ri’ jewa’: 29% chi ke ri winaqil man kakil ta kib’e aretaq keq’ax pa nimab’e pa tinamit, k’o 37% chi ke ri’ man utz ta uq’axik kakib’ano, k’o 32% man kakil ta ri ch’ich’ aretaq keq’axik, eri 34% man ke’k’ow taj ri kub’al wi, eri 37% chik man kakinimaj ta tzij ri’, eri 32% keq’axik aretaq ke’ok’ow ri nima’q taq ch’ich’ ri’, eri 40% chik k’o kakichomaj nik’aj chik jastaq aretaq keq’ax pa taq nimab’e pa tinamit ri’.
Pa le ya’ltzijolil ri’ eri reqa’lenel ri Departamento rech Tránsito xuquje’ rajchak ri Sección rech Educación Vial, ketajin che ub’anik rech ketzijob’ex ri winaqil kewa’kat pa nimab’e pa tinamit ri’, rumal k’ut are wa’ uwach ri b’anoj ya’ltzijol rech pixab’nem tzijob’enik ri’.