Eri ajchajinelab’ e antipandillas k’o 400 chi winaqil kichapom chi loq

Eri q’atb’altzij rech ri Wokajil Ajchajinelab’ rech Q’atinel Pandillas (DIPANDA), rech ri Sub dirección General rech Investigación Criminal (SGIC), rech ri Wokajil Ajchajil Tinamit (PNC), xkiya’ utzijol ri’ xmajtaj loq pa enero pa agosto pa we amaq’ e k’o 448 chi pandilleros rech ri Barrio 18, kuk’ ri rech ri Mara Salvatrucha xechapataj loq xuquje’ ri e ajesal kachib’al b’anol k’ax  e ajtoq’il pwaq chi ke e ajk’ayinelab’, chi ke tuc tuc, chi ke taxis, chi ke ajchoq’e ch’ich’ xuquje’ chi ke e ajk’ayil taq wa’ ri’.

Pa enero, e k’o 57 chi winaqil xechapataj loq, pa febrero: e k’o 48 ri’, pa marzo e k’o 64 ri’, pa abril e k’o 23, pa mayo e k’o 52, pa junio e k’o 57, pa julio e k’o 99, pa agosto e k’o 48 xechap loq, we kamik e k’o 448 chi achijab’ xuquje’ ixoqib’ xechapataj ri’ rumal k’o pwaq tajin xkitoq’ij chi ke winaq ri’.

Jeri’, chi ke ri xechap ri’ e k’o e q’apoj ri’ le xek’am pa q’atb’altzij kech e q’apojil ri’ che ri kik’ulu’lem ri utzij q’atb’altzij ri’.

Rumal ri’ eri q’atb’altzij ri PNC xkib’ij chi ke ri winaqil pa tinamit chakib’ij b’a’ loq we k’o b’anoj k’ax kakilo kab’an chi ke ri’ che ri kechakun wi ronojel taq q’ij.

Noticias Recientes