Sib’alaj tajin kakimol kib’ pa tob’anik ri wokajilal rech kekutzujun pa taq k’olib’alil, ke’ilon pa aninaqil xuquje’ pa uq’atexik ri molaj b’anol k’ax
Eri je’ltijonem rech reta’maxik tzaqik ib’ chi kaj kumal taq rajchajinelab’ ri Grupo Halcones rech ri Wokajil Ajchajil Tinamit (PNC), a Ronaldo Mendoza Rodríguez xuquje’ a Hemerson Oswaldo Ramírez, kakiya’o uchuq’ab’ ub’anik ri kichak rech puqtzukunem chajinik xuquje’ rech ri keqale’n pa le Unidad Aérea rech ri Ministerio rech Gobernación (UNAGOB), pa b’anik utzilem chi ke ri winaqilal xuquje’ ri chajinem rech Iximulew.
Eri ajchajinelab’ ri keriqitaj pa le UNAGOB, xkik’iso uwach ri tijonem xek’oji wi Curso VI-2026 rech Paracaidismo Militar, xya’taj kumal rajchajinelab’ ri Quinta Brigada rech Infantería rech ri Wokajil Ajchajil Iximulew, pa le Tijob’al rech Paracaidismo General Felipe Cruz, k’o pa Puerto San José, Escuintla.
Pa le b’anow tijoenm ri’ xek’utik ri ub’anikil tzaqik ib’ chi kaj, b’anikil chajinem, b’anikil rech kitzaqik kib’ chi kaj, ruk’ nik’aj chik chakub’al ri’ che ri katob’anik pa le ya’ik uchuq’ab’ ri wokajil rech kanimax ub’anik ri chajinem tzukunik, rech ilonik pa aninaqil, rech keto’ik ri winaqil xuquje’ rech q’ateb’al ri b’anow k’ax.
Eri UNAGOB k’o ri jun jupuqil rech job’ kiwach helicópteros UH-1H II xuquje’ jun alaj xik’ach’ich’ Cirrus SR-22, ri rajilab’al umatrícula GOB-233. Ri uchak ub’anom k’o nim upatan ri’ pa le kachajixik ri winaqil xuquje’ pa le ya’el uchuq’ab’ ri chajinem rulewal amaq’ tinamit.