Ri je’l ri’ are la’ jun chakub’al rech kab’an ri uq’atexik ri k’ax ruk’ ri k’ax makaj
K’o jun wokaj rech juk’al (20) ajtijoxel e kajib’ chi ke xech’akon pa le Ch’akanem rech B’anik Kunan Achib’al pa Tinamit “ ub’i’ xkojik “In Ajq’ateb’al K’ax”. Pa kijujunal ri’ e’ajtijoxel rech taq ri nab’e, ri ukab’ xuquje’ urox q’attijonem chi’ k’u ri’ xkik’ut wi jun je’l keta’mab’al xuquje’ kino’jib’al che ub’anik rachib’al le jun tinamit tzoqopitalik ri maj k’ax chi rij.
Pa le ub’i’ b’anikil “B’anik ri je’l rachib’al jun tinamit ri maj wi b’anik k’ax chi ke ri ixoqib’”, taq ali, taq ala kuk’ ab’om alitom ri kitz’ib’am chi utzilaj taq tzij rech nimanik xuquje’ junam ib’, rech ub’ixik chi rij chi k’o nim upatani’al rech kaq’atexik ri k’ax chi ke ri ixoqib’ k’a pa taq le tijonem ruk’ ri katob’anik ri ak’alab’ xuquje’ ri alab’om xuquje’ alitomab’ e’aj iximulew.
Eri ch’akanik ri’ are xb’an rumal ri Subdirección General rech Prevención rech ri Delito (SGPD) rech ri Wokajil Ajchajil Tinamit (PNC), rech taqim uwa’lijsaxik uwach pa le je’l b’anow q’ateb’al ri k’ax chi ke ri ixoqib’ pa kachoch, jeri’ rech ub’anik ri jun no’jk’aslemal rech nimanem tzij xuquje’ rech pa utzilal ri etz’anenik kuk’ ri ak’alab’, ri ab’om alitom ri’.
Eri viceministra rech Q’ateb’al ri k’ax xuquje’ ri makaj, al Mayda De León, ri xnab’ej ub’anik ri b’anowem, pa le sib’alaj xub’ij wi che k’o nim upatanib’al ri b’anow ch’akanik ri’ pa le q’ateb’al ri k’ax chi ke ri ixoqib’ ruk’ ri je’l b’anow ri’. Xuquje’ xuya kiq’ij ri jujun chi ke ri xek’oji ri’ rech taq Iximulew, Suchitepéquez, Quiché, Retalhuleu, Escuintla, Jutiapa, Huehuetenango, Jalapa, Quetzaltenango xuquje’ Baja Verapaz ri’.
Xuquje’ xopan ri subdirector General rech Prevención rech ri Delito rech ri PNC, Pablo Rodríguez xuquje’ ri coordinador rech ri Unidad rech Prevención Comunitaria rech ri Violencia (UPCV), Alberto Luján. Eri tz’apib’al b’anowem ri’ are xb’an pa le k’isb’al wuqq’ij ri’ pa le nima rachoch ri Ministerio rech Gobernación (MINGOB), zona 1 rech ri nimatinamit.