Eri e’ajtijoxel rech ri tijoninem ech Bachillerato ruk’ Orientación chi rij Turismo rech ri Liceo Sacpuy, rech ri uq’ab’ tinamit San Andrés, Petén, xkib’an jun solinem pa le katijoxik pa le Ministerio rech Gobernación rech xkib’an le rilik jas le uchak upatan kub’an pa le Amaq’ ri’ xuquje’ ri chak kub’an taq ri winaqil pa tinamit. Eri b’anowem ri’ are la’ xuya uchuq’ab’ ri tijonem chi rij uch’ob’ik ub’anik ri chak pa tinamit xuquje’ rech kak’ut chi ke ri chak kakib’an ri taqawokajilal ri’ pa le b’anik ri chakunem xuquje’ pa le yakik uwach ri amaq’ tinamit.
Pa le kawa’teb’al ri’ eri ajtijoxelab’ xkib’an uch’ob’ik ri chak kakib’an ri viceministerios, ri uq’ab’ilal ri kakib’an puqtzukunem pa le Taqawokajil ri’. Eri rajchak ri wokajil ri’ xuya ub’ixik ucholajil ri kichak kakib’an chi kijujunao ri jachakub’al, rech kakik’am le rilik ronojel uwach ri wokajil chakunem xuquje’ ri nimanchak kakib’an pa le taqawokajil ri’.
Le ula’nem solinik ri’ are rech taqim uch’ob’ik ri eta’manik pa nimaja tijonem ruk’ le uchakunik ri taqawokajil, rech katob’anik pa unimarisaxik uwach ri ch’ob’ow kumal ri e’ajtijoxel chi rij b’anow chak pa taqawokaj xuquje’ rech kab’an qas katijoxik ri k’ak’ ajno’jchakunel ri’. Eri q’atb’al tzij rech ri rachoch tijob’al sib’alaj xkib’ij chi k’o nim upatanib’al ri uk’aslemaxik chak ri’, rumal k’ut are la’ kub’an jun tijonem b’anow chak ri’ rech kub’an chi ke ri ab’om alitom rech ruk’ ronojel kanima’ kakib’an ri chakunem ri’ xuquje’ rech ajk’amow b’e ri’.
Ruk’ ri cholchakunik ri’, eri Taqawokajnem rech Taqon Chajinem pa Amaq’ sib’alaj kab’an ri tijonem rech ketijoxik ri ab’om alitom, rech kab’an uya’ik ri jamalil ri katob’anik ruk’ ri wa’jisan b’anow ri tijoninem rech ajeqa’lenik xuquje’ uk’iyirisanem ri tinamit kuk’ ri k’ak’ taq ija’il e ab’om alitom ri’.