Pa k’isb’al wuqq’ij, eri reqa’lenel ri Subdirección General rech Prevención rech ri Delito (SGPD) rech ri Wokajil Ajchajin Tinamit (PNC), xkib’an k’i taq banoj tijonem etz’anik kuk’ ri ak’alab’ taq ala taq ali xuquje’ kuk’ ri e q’apojil rech pa keb’ tinamit, rech xetijox chi rij taq b’anon utzilem ri’.
E jun jupuq rech 30 chi ak’alab’ taq ala taq ali ri xek’oji rech xetijoxik che ukojik kib’ pa taq etz’b’enem rech xetijox pa le Estado Ramón Chávez, Nuevo San Carlos, Retalhuleu ri’. En k’u pa le nimatijob’al ub’i’ Academia Regional rech ri PNC, Cuilapa, Santa Rosa,chi la’ xek’oji wi e 20 chi e ak’alab’ ri’ rech e are jun xek’oji pa le tijonem chi kech.
Eri tijob’enik chi kech are uwach ri’ ri cholchak ub’i’ Programa “Exploradores Policiales”, are wa’ cholchak ri’ ri utaqim ke’utijob’ej ri e ab’om e alitom rech kakich’ob’ ub’anik utz taq b’anob’alil pa le kik’aslemal, rech pa kub’alil xuquje’ e utz kek’oji pa le kik’aslemalil ri’ pa juntir uwach ronojel tinamit.
Are chi’ xtaq kasik’ixik kuk’ le kitat nan, eri wokaj ajchajil tinamit pa kemonchak xetijonik xetijon kech ri ak’alab’, taq ala taq ali xuquje’ ri e q’apojil rech xepixb’exik,rech xk’ut chi kuwach jas le b’anon wa’katem ri’, ri koq’anik pa uwi taq ixkanul, rech ke’ok pa nik’aj chik etab’anem, rech kewa’kat chi rij taq lot’b’al ch’ich’ xuquje’ pa taq etz’anik ri’.