Eri uwach chajinem ri’ are utaqim uq’atexik taq ri b’anoj k’ax kumal ri e ajchajil tinamit xuquje’ rech k’o kub’al k’u’x chajinem winaqilal ri’, rumal ri’ eri reqa’lenelab’ ri Wokaj Ajchajil Tinamit (PNC) sib’alaj xkiya uchuq’ab’ ri b’anoj puqchajinem tzukunik ri’ rech uq’atexik taq ri b’anoj k’ax pa juntir taq ri nimatinamit rech Iximulew. Rumal ri’ sib’alaj tajin uq’atexik taq ri b’anoj k’ax pa taq ri kak’ulmataj wiri’.
Eri K’amal B’e rech ri PNC, Helver Beltetón xuya utzijol uwach ri chajinem katajinik, pawe q’ij kamik sib’alaj q’atatajinaq chik uwach e 90 chi winaqil xekam ta chik pa junab’ ri’, man je ta ri’ ruk’ ri xk’ulmataj pa le junab’ 2023. Xuquje’ xuya ub’ixik che ri xb’antaj kowonem xechap uloq e 400 chi winaqil e ajtoq’il pwaq ri’ xuquje’ xriqitaj uloq waqib’ chi nima’q taq eqa’nb rech awan kunab’alil cocaína ri’, xuquje’ k’o 500 chi k’aqb’alil maj pa usaqilal xriqitaj uloq.
Pa le barrio El Gallito rech ri zona 3 rech pa uk’u’x nimatinamit, chi la’ k’ut eri wokaj ajchajil tinamit xkikoj wi jun nim k’olib’al chajinem tzukunik qas pa kib’e ri winaqil ri’, chi la’ k’ut xkisolij wi kiwujilal kitzijolri winaqil rech xilik we man k’ot taqom kichapik chi kech. Xuquje’ xesolix ri ch’ich’ keb’inisax chi la’ rech uq’atexik taq ri awan kunab’al jastaq che ri xaq tane’ kaq’ax ri’.
Ruk’ ri xb’antaj ri’ are kuk’utu che tzij b’a’ k’o nim upatan ri chajinem tzkunik ri’ tajin rumal ri K’amal B’e Amaq’ Iximulew pa reqele’n ri Ministerio rech Gobernación (Mingob) rech pa le q’atenik ri e ajb’anol k’ax ri’ xuquje’ rech uq’atexik ri b’anon k’ax, rech kakub’isax uwokik uwach ri qatinamit rech pa joremal jikomal kujk’oji chi qonojel ri uj winaqil rech aj iximulew ri’.