Eri katob’anik ri amaq’ib’ nimatinamit ruk’ ri tzijob’exik ri chak b’anom are qas katzijox pa le Ujulajuj Sesión Internacional rech América Latina xuquje’ ri Caribe (SIALC), xchomax ub’anik rumal le Presidencia francesa reh ri G7 pa Martinica, pa rulewal francés k’o pa le Caribe, chi la’ k’ut eri q’atb’al tzij rech taq amaq’ib’ nimatinamit xkich’omaj ub’anik ya’ik uchuq’ab’ ri uq’atexik taq ri b’anow k’ax pa le keb’ amaq’ib’ nimatinamit ri’.
Pa ub’i’ ri Amaq’ Iximulew xtatb’enik le viceministro rech Antinarcóticos rech ri Ministerio rech Gobernación (MINGOB), Víctor Hugo Cruz Reynoso ri’, eri ripanib’al chi la’ rech xuk’ub’isaj ub’anik reqale’n uchak pa ub’i’ ri amaq’ ri’ rech ya’ik uchuq’ab’ ri katob’anik ri amaq’ib’ nimatinamit xuquje’ rech pa kemon kab’an uq’atexik ri uxib’ib’anik b’anow taq k’ax pa rulewal amaq’ib’ ri’.
Pa le riqonem ib’ kumal ri q’atb’al tzij ri’, xkitzijob’ej chi kuwach ri utz taq chakunem kib’anom ruk’ ri k’ak’ reta’mab’al tzukno’jchak ri’, ruk’ q’alajisab’al ri’, rech uq’atexik ri poq’san chak pwaq meb’il maj pa usaqilal, rech uririk taq jastaq, rech chajib’al pa kik’olib’al nima jukub’ rech uwi paloq xuquje’ chajinem pa kulb’a’til, tobanik q’atow tzij pa keb’ amaq’ib’ xuquje’ rech kojb’al k’ak’ taq kemechakub’al rech chajinem ri’ xuquje’ pa k’ulb’a’til.
Eri jumulaj ajchomanelab’ sib’alaj xkib’ij che ri kichak xib’an ri’ are rech ya’ik nim uchuq’ab’ ri katob’anik ajchajin tinamit, q’atol tzij xuquje’ rech pa aduanera ri’, jeri’ rech katoq’axik ub’anik ri b’anow tzukunik chi rij taq ri pwaqil rech tojb’al rech kemonchak, rech ya’ik uchuq’ab’ ri chajinem pa uwi palow, rech pa kaqiq’ xuquje’ rech taq tob’ab’al, xuquje’ rech ya’ik uchuq’ab’ ri kemonchak tob’anik rch uq’atexik pa kemon ri e’ajb’anol taq k’ax pa taq tinamit ri’.