Ruk’ jun uya’ik jun utzilaj utzil le Qajawaxel Chikaj, ruk’ maltyoxinik xuquje’ nim eyeb’alil, eri Wokajil Ajchajin Tinamit (PNC) xub’an jun nim Mixa rech Maltyoxinik pa le uq’ij le 29.º uq’ij ujunab’ tajin chik che nimanem pa tinamit, are la’ rech b’anik ri k’ak’ eqale’n uchak ri taqawokajil ri’ rech kuterne’j ub’anik ri uchak upatan pa utzilem chi ke ri winaqilal e’aj iximulew.
Le nim ulanem tzij ri’ are xb’an pa le Catedral Metropolitana are ri’ xb’an rumal le ajtij patre a Luis René Sandoval. Ri xe’opan wi le ministro de Gobernación, Marco Antonio Villeda; le viceministra rech Tecnología, Karen Ortiz; le k’amal b’e rech ri PNC, David Custodio Boteo, kuk’ taq ri q’atb’al tzij rech chajin tinamit, ri xkimaltyoxij che xb’antaj juk’al oxlajuj chi junab’ ri’ ketajin che ri chajinem, ruk’ ronojel kipatan ri e k’ilaj taq achijab’ ixoqib’ ketajin che ri kipatan pa le wokajil ri’.
Pa le mixa ri’ xuquje’ xloq’ax wi kiq’ij kichak ri ajchajin tinamit, ruk’ ronojel kanima’ kakib’an ri tijowchuq’ab’ chak, pa ronojel q’ij k’ut kakinimaj ub’anik ri kato’ik kachajixik ri winaqilal, rech kechajin pa tinamit xuquje’ rech kakinimaj ri taqanil. Xuquje’ eri nimaq’ij ri’ are la’ rech kaloq’ax kiq’ij kipatan xkib’an kanoq ri ajchajinelab’ are chi’ e k’aslik, sib’alaj xloq’ax uwach ri kichak kib’anom kanoq pa le kachajixik ri winaqilal pa amaq’ tinamit ri’.
Ruk’ ri nimaq’ij na’tib’al ri’, eri Wokajil Ajchajin Tinamit sib’alaj xkib’ij che ri ya’ik uchuq’ab’ ri utzilaj kichak rech ya’ik joremal, jikomal, chajinem xuquje’ ri riqonem ib’ pa utzilem kuk’ ri winaqilal, are la’ kuya utzilaj uxlab’exik uchomaxik pa qanima’, rech ya’ik uq’ijolal, rech reqa’lexik taq ri chak ri are uk’amom ub’e ranima’ uk’aslemal ri taqawokajil k’a xk’utun loq.