Eri kemon tob’anem rumal Iximulew ruk’ México katajin che uya’ik nim uchuq’ab’ pa le chomanem utzijob’exik ri b’anow chajinem ri’. Rumal ri’ k’u r’ eri ministro rech Gobernación, Marco Antonio Villeda, xuk’ul apan pa chomanem le embajdadora rech México pa Iximulew, le al Luz Elena Baños Rivas, pa jun riqonem ib’ rech xkitzijob’ej b’anow kemonchak pa le uq’ijil, uk’aslemalil, ri utaqanib’al ri’ chi kuwach ri keb’ amaq’ib’ nimatinamit ri’.
Pa le riqonem ri’, eri q’atb’al tzij sib’alaj xkiya utzijol che ri Iximulew ruk’ México ri’ ketajin che utzijob’exik rech ub’anikil ri kino’jib’al chi rij taq ri k’ayin jastaq k’o pa usaqilal kub’al k’u’x. Are la’ xkiya ub’ixik che are ri’ runimal chomanem ri’ le rajawaxik kachakuxik are ri chajinem, che katajin upatanexik kumal, rumal k’ut sib’alaj rajawaxik kachajixik ri nimalaj k’ulb’a’t juyub’ ri ke’utunu ri keb’ amaq’ib’ ri’ xuquje’ rech kab’an ri chakunik ri rajawaxik pa le uq’atexik ri k’ax chi la’ k’ut.
Rumal k’u ri’, xchomaxik are kaya uchuq’ab’ ri chajinem pa taq k’ulb’a’t juyub’ pa amaq’ xuquje’ chi kuxo’l ri keb’ amaq’ib’ ri’, xuquje’ k’o nim upatanib’al rech kab’an ri kemonchak pa taqawokajil ri’ rech pa amaq’el keq’atexik nik’aj molaj b’anol k’ax xuquje’ sib’alaj rajawaxik kaya’ uchuq’ab’ uchak upatan ri taqawokaj ri’.
Sib’alaj xikib’ij chi k’o nim upatanib’al kab’an ri kemonchak tob’anem pa taqawokaj ri’ pa le ya’ik ub’ixik ucholajil chi kuxo’l taq ri taqawokaj rech ri keb’ taq amaq’ib’. Eri q’atb’al tzij sib’alaj kakich’ob’ che ri kemonchak ruk’ ri amaq’el utzijob’elil ri’ are la’ k’o jun nimalaj upatan uchuq’ab’ ri’ rech keq’atexik ri ajb’anol k’ax che ri kakinimaj taj ri k’ub’a’tiil ri keq’ax che ub’anik k’ax ri’.
Eri riqon ib’ ri’ are xuya pa retalil rech katoq’ax ub’anik ri kemonchak rumal ri Iximulew ruk’ México rech katerne’x ub’anik ri kemon nimachak ri’.