Ruk’ b’anoj chomanem ri’ are taqim uq’atexik 1 mil 400 chi ch’a’ojinik kumal winaqil pa tinamit, rumal ri’ we kamik k’o jun k’uttijonem xb’anik rech “B’anoj Chomanem rech Q’atenik Ch’a’ojil kumal winaqilal pa Iximulew 2021” ri’, xb’an pa jun nimaja hotel rech zona 9, chi’ k’u ri’ xtatab’enik ri Viceministro rech Uq’alik b’anoj k’ax, Carlos García Rubio, ri Ronald Portillo, Coordinador rech  UPCV, ri Waldemar Barillas, Gobernador rech Iximulew xuquje’ ri Uk’amol ub’e ri FOSTI/GIZ, Norman Martínez ri’.

Ruk’ ri b’anoj chomanem ri’ are taqim b’anoj tob’anik pa taq tinamit ri’ xuquje’ rech jun ub’anik uq’atexik ri ch’a’ojinem rech katoq’ixik ujikomal ri taqanem pa tinamit, rech ya’b’al utzilem chi ke ri winaqilal ri’.

Ri Carlos García, viceministro rech Q’alib’al k’ax, xub’ij che xkoj ri wokaj b’anoj chomanem ri’ pa wajxaqib’ tinamit, chi la’ k’ut che ri qas kak’ulmataj wi ch’a’ojinik chi rij ri k’amq’aq’ ri’.

“Are kaqeye’j kachomatajik pa taq le 22 chi tinamit ri’, are ri b’anoj chak ri’ ri xuya’ loq ub’ixik rumal ri Ministro rech Gobernación rech kab’an ri’ are la’ ri katajin utzijoxik pa taq le molaj b’anoj chomanem ri’ xuquje’ are la’ kab’anik wexa’ k’o jun b’anoj ch’a’ojinik kak’utun tane’ ri’ xuquje’ wexa’ kajwaxik are kachomaxik rech k’o jun ub’e’al rilikn ri’ xuquje’ uchomaxik kab’an ri’”.

Eri komon chomanem ri’ are ri’ xb’antajik qas unab’e’il pa taq le tinamit rech Chinab’jul, K’iche’, Xe’laju’, San Marcos, Suchitepéquez, Retalhuleu, Zacapa xuquje’ Izabal, chi’ k’u ri’ k’o nimach’a’oj chi ke ri uya’talil ri K’amq’aq’ ri’.

Eri Norman Martínez, k’amal b’e rech FOSIT/GIZ cooperación Alemana, xub’ij che ketajin ri’ che ya’el tob’anik ri’ pa kak’al junab’ che ri Iximulew, ruk’ taq jalajoj b’anoj utzilem chi ke ri winaqilal ri’, kiterenb’em ri ya’el tob’anik ri’ rech uwokik taq ri b’anoj utzilem chi ke ri winaqilal.

 “We jun cholchak ri’ jo’lajuj rajilab’al ri’, chi’ k’u ri’ are kojtajin ruk’ uwokik ri ub’e’al ya’b’al utzilem chi ke ri winaqilal pa Nimatinamit Iximulew ri’”, xcha’ ri Martínez, k’amal b’e rech ri FOSIT/GIZ cooperación Alemana ri’.