Eri Wokajil Ajchajin Tinamit (PNC) xumaj ub’anik jun Cholchakunem rech Ya’olchajinik xuquje’ Q’ateb’al K’ax pa Nimab’e pa rulewal amaq’ tinamit ri’ rumal taq ri nimaq’ij kab’an pa le Nima Uq’ijol le Copa Mundial rech Fútbol 2026, pa le kataqix wi b’anik ri chajinem pa amaq’ tinamit, rech kaq’atexik ri b’anow taq k’ax xuquje’ rech kab’an utzilal kachajixik ri winaqilal pa taq le nimaq’ij kumal ri e’ajilonel rech k’ut.
Según informaron las autoridades, los operativos contemplan el despliegue de agentes e
Jacha ri xkib’ij ri q’atb’al tzij, ri puqtzukunem kab’anik are rech ketaq e k’ilaj chi reqa’lenelab’ ri wokaj chajin tinamit pa amaq’ tinamit, pa taq ri jamalik uwach pa tinamit, pa taq uxlanb’al, pa taq nim k’ayib’al, pa taq tijob’al wa/rikil, pa taq k’ayib’al tzam, ri katij wi tzam, jeri’ pa nik’aj chik k’olib’alil che ri qas kakimol wi kib’ e k’ilaj taq winaq rech pa le rilik le nim etz’ab’an potz’.
Eri cholchak kumaj ub’anik ri puqtzukunem, q’ateb’al k’ax, b’anow solinem chi ke tq ri ch’ich’ keq’axik, katerenb’ex ub’anik rachib’al b’anow chajinem ri’, ketaxik we k’o tzam kitijom le ajb’insal taq ch’ich’. Xuquje’ eri jupuq e sak’ajil ajchajinelab’ rech ri PNC kakiya’o uchuq’ab’ ri b’anow q’ateb’al k’ax pa taq le puqtzukunem solinik kab’an pa rachoch taq k’ayib’al, pa taq le sib’alaj kakimol wi kib’ le winaqilal pa tinamit, rech kilik keleq’ax ta ri kejach’ich’, rech kakiq’atij we k’o ch’ojinik kab’an tane’ pa tinamit xuquje’ ruk’ nik’aj b’anow k’ax kab’antaj tane’ pa le nimaq’ij nim etz’anem potz’ ri’.
Xuquje’ kaqataqixik ub’anik ri kachajixik ri alaj taq ak’alab’ kuk’ ri ab’om alitomab’, uwach k’ut ri chajinem kab’an pa taq le nimaq’ij rech le nima etz’anem potz’.
Eri q’atb’al tzij xkib’an jun kasik’ixik ri winaqilal rech chakikotej kib’ pa suk’ilal pa nim etz’anem ri’, pa suk’ilal kixk’oji pa le riqon ib’ nimaq’ij ri’ xuquje’ chiya’o b’a’ ub’ixik pa awalik pa kuk’ taq le ajchajin tinamit rech le taqawokajil rech ri taqon chajinem ri’.
Eri PNC sib’alaj xub’an utzijoxik chewe ri b’anowem ri’ are ri’ uwach taq le nimachak katajin ub’anik pa amaq’el rech uya’ik nim uchuq’ab’ ri chajinem winaqilal xuquje’ rech pa amaq’el kak’oji b’a’ pa jikomel le k’olib’em pa taq b’anowem etz’anik ri k’o nim upatanib’al pa uwachulew.
Ruk’ taq le upatanexik we cholchak nim b’anow ri’, eri wokajil rech chajinem kitaqim k’ut kachajixik ri winaqilal e’aj iximulew ri’ rech kek’oji pa utzilem ki’kotemal pa le nimaq’ij rech nim etz’anem potz’ pa nim kub’al k’u’x, pa suk’ilal xuquje’ pa jikom utzilem kek’oji ri winaqilal chi la’ k’ut.
—