Are wa’ jun pa ub’anik ri q’atenik k’ax chi ke alab’omab’ alitomab’ ri’ rech kakich’ob’ kakib’an jun etz’anemb’alil ri’ jeri’ xub’ij ri jun boxeador aj iximulewal ri’, Lester Martínez, ri xa’ pa keb’ oxib’ kab’e na pa jun nim etz’anemb’alil pa Las Vegas, Nevada, Estados Unidos ri’.
“Eri ketz’eb’ex jun etz’anemb’al are sib’alaj utz ri’, chi ke ri ak’alab’ xuquje’ alab’omab’ alitomab’ kakaj ri’, man k’ot b’a’ jun keq’atenik ri’, chakinojimaj ub’anik ri, kakojo kichuq’ab’ che ub’anik ri tajin kakich’k’aj ri’, keta’m k’ut man xaq ta ub’anik wari’, are la’ b’antajel ri’”, xcha’ ri rajetz’anel qatinamit ri’.
Eri tat nan ri’ rajwaxik ketob’anik xuquje’ ketzijion kuk’ ri kalk’uwal ri’, rech kekowon che uq’axexik juntir ri k’axk’olil ri’, rumal k’ut are wa’ ke’uya’o naj chi ke ri pandillas xuquje’ ri b’anoj taq k’ax ri’”, xcha’ ri Martínez.
Xub’ij chik, eri cholchak ri’ are rech la’ ke’uto’o ri k’ak’ taq1 boxeadores ri’ che ri ke’al loq pa taq ri tinamit rech Petén rech te k’u ri’ keb’e naj pa ub’i’ qatinamit Iximulew ri’ jeri’ pa taq tinamit pa uwachulew ri’.
“We ya’tal tane’ jun q’ijol ri’ chi ke ri e k’ak’ e ajtatab’enel q’apojil ri’ sib’alaj ki’kotem ri’ kenupatanij ri’”, xcha’ ri Martínez ri are xaq k’o ri’, man k’ot itzelal kub’an tane’ ri’ xuquje’ are kub’an ri utz karilo ri’. Xumaj upatanaxik ri boxeo are chi’ k’o kab’lajuj ujunab’ pa le barrio Candelaria, San Benito, Petén, pa le utijonik ri nab’e ajtijonel ub’i’ Hugo René Qui Can ri’.
ri xb’antaj ri’
K’a pa uch’itenal ri’, eri Lester Martínez k’o k’i taq ch’akoj xub’an ri’ pa le etz’anemb’alil xuquje’ pa nojimal xopan pa tinamit pa uwachulew ri’, eri retal ri’, are chi’ xb’e pa taq le Etz’anemb’alil Centroamericanos xuqujue’ ri Caribe ri’, pa Barranquilla 2018, are chi’ xuch’aj ri medalla rech q’anapwaq. Eri xuch’ak ri’ are la’ xub’an nim retalil ri b’anoj etz’anem b’alil pa qatinamit, 68 junab’ ri’ xk’oji pa le boxeo man k’ot b’a’ jun xuch’aj tane’.
Eri jun chik uwach xuch’ak ri’, xaq xu’ wiri’ ri are aj iximulew ri’ xuch’ak jun medalla pa jun etz’anemb’alil ri’ pa le Asociación Internacional rech Boxeo Aficionado (AIBA) ri’. We kamik ri’ k’o keb’ nim upasil latinoamericanos rech telen nim al ri’, rech ri Organización Mundial rech Boxeo (OMB) xuquje’ Consejo Mundial rech Boxeo (WBC) ri’.