Eri unidad rech ri Comando Antisecuestros rech ri Subdirección General rech Investigación Criminal rech ri Wokajil Ajchajil Tinamit, pa junab’ 2020, k’o 82 b’iw ub’ixik loq rech kitzijol keleq’axik winaq ri’, e pa tinamit Iximulew ri’ k’o 26 chi winaqil xechapataj loq, chi ke ri’ k’o 39 chi ch’a’wib’al xriqitaj ri’ che ri xekoj pa uta’ik ri pwaq chi ke kachalal ri xek’am b’i kumal b’anol k’ax xuquje’ k’o 16 chi ch’ich’ xechapataj ri’.
Eri q’atb’altzij xkiya’ utzijol che pa kipatanib’al ri e ajchajinelab’ k’o jun nim kiq’atexik ri e ajb’anol k’ax ri kakeleq’aj winaq xeq’atataj ri’, k’o 15 chi ke ri’ xuquje’ k’o 67 b’iw ub’ixik loq chi rij taq nik’aj b’anol k’ax ri’.
E pa tinamit Iximulew k’o 26 chi winaqil xechapataj loq, e pa San Marcos e k’o waqib’, e pa Xe’laju’ e k’o oxib’, e pa Baja Verapaz, pa Escuintla xuquje’ Chinab’jul e k’o keb’, pa Izabal, Peten, Tz’oloja’ xuquje’ pa Suchitepéquez k’o jun ri’ xchapataj pa jujun taq.
Eri xechapatajik pa junab’ ri’ e k’o 39 chi achijab’ ri’ xuquje’ ek’o e waqib’ ixoqib’. Chi ke ri xe’esax pa kiq’ab’ b’anol k’ax ri’ e k’o oxib’ chi ak’alab’ xuquje’ e oxlajuj chi ri’j winaq ri’.
Pa ronojel ri’ k’o 29 b’anoj tzukunem xb’antaj kumal e ajchajil tinamit ri’ rumal are xtaq loq ub’anik rumal q’atb’altzij ri’, aretaq xb’an ri k’otojchi’aj ri’.