Eri DEIC e k’o waqxaqib’ winaq xe’uchap loq pa le Toque de Queda ri’

 

Rumal k’ut eri winaqil man kakinimaj taj ri Toque de Queda ri’, k’o e q’abarinaq katijom tzam kewa’katik, xuquje’ e k’o nik’aj chik kakiya’ ta urajil ri kixoqil kalk’uwal pa taq kachoch, e are ri’ katajin kachapik loq kumal reqa’lenel ri División Especializada rech Investigación Criminal (DEIC) ri’ rech ri Wokajil Ajchajil Tinamit, e k’o k’ut 8 chi winaqil k’ut xkichap loq pa taq tinamit ri’.

Eri nab’e xchapataj loq are ri’ a Mynor Orlando Colaj Gutierrez 31 ujunab’, xchapataj loq pa le 5a calle 3ra avenida zona 3 rech ri tinamit Ciudad Vieja, Sacatepéquez ri’, rumal q’ab’arinaq e utijom tzam ri’.

Chi uwach ri muqib’al kaminaqib’ rech ri aldea Xacaxaj rech Tz’oloja’, eri e ajchajil tinamit xkichap loq a Anibal Antolín Chanchavac Tamayac 20 ujunab’, jeri’ ri a Lucas Rigoberto Guarcax Quisquina 57 ujunab’ xuquje’ a Moisés Guarcax Raxtun 32 ujunab’, ri kab’ixik katajin che utijik tzam pa le Toque de Queda ri’.

Eri Henrri Ariel Sierra Rosales 34 ujunab’ xchapataj loq chi uwach rachoch pa le Toque de Queda pa le barrio Saraxoch, rech San Pedro Carchá, Alta Verapaz ri’. Xuquje’ pa tinamit ri’ xchapataj wi loq a Gilmer Bonifacio 25 ujunab’ ri’.

Rumal k’ut karaj ta kuya’o kirajil rachalal pa rachoch, xchapataj loq a Felipe Rodríguez Soloman 48 ujunab’ ri’, pa le aldea rech El Astillero rech tinamit rech San Jerónimo pa Baja Verapaz ri’.

Pa le Aldea El Chanrayo rech San Agustin Acasaguastlan, El Progreso, xchapataj wi loq a Ramiro Bailon Montesinos 27 ujunab’ ri’ kab’ixik rumal xunimaj xkanaj pa rachoch xel b’i pa le Toque de Queda che ri taqom ukojik rumal ri’ K’amal b’e Amaq’ Alejandro Giammattei, rech uq’atexik ri jun k’ax yab’il rech ri COVID-19 ri’.

Alerta de Corrupción

Ultimas noticias