Are b’a’ pa aninaqil taqim kitzukuzik kiraqik ri e ak’alab’ ruk’ ri Alerta Alba-Keneth, eri q’atb’altzij rech ri Departametno rech Tzukunem rech Uq’atexik b’anoj k’ax chi ke ri ak’alab’ xuquje’ e q’apojil ri’ ri k’o kik’axk’onil ri’, rech ri Wokajil Ajchajil Tinamit (PNC), xkiya’ loq ub’ixik che k’a pa we q’ij kamik kichomam chik e juq’o’ lajk’al juk’al lajuj (630) ri’. Eri qas kik’ulmam ri’ are wari’: Ch’oj k’axk’olil pa kachoch, keniman taj xuquje’ sachon kanoq man k’ot kito’n chi ke, kab’an k’ax achk’ulaj chi ke, tzilib’em kuwach xuquje’ keleq’ax ri’.
Eri rajilab’al ya’tal rumal ri Wokajilal ri’ are kuk’utu che pa enero k’a pa septiembre ri’ e k’o juq’o’ waqlajk’al b’elejlajuj (739) chi alaj ak’alab’ xya’taj kitzijol e sachinaq ri’ are ri’ pa le 2017 k’a pa le 2020 ri’.
Pa taq le q’ij ri’, rech pa le junab’ 2019 e k’o juq’o’ b’elejeb’ (409) chi alaj taq ala, ali xuquje’ e q’apojil ri ya’om kib’ixik xesachik.
Eri Imelda Galindo Taqanel rech ri wokajil jachakunb’al rech tzukno’jchak, xuya’ loq ub’ixik che kopan wi uq’ab’il uchak ri’: “pa Ixim Nimatinamit, pa Escuintla, pa Xe’laju’, pa Petén xuquje’ Alta Verapaz xuquje’ pa taq le wokja che ri qas ya’om utzijol e sachinaq wi taq ak’alab’ are pa zona 18, 4, 1, xuquje’ zona 21, chi’ k’u ri’ aretaq k’o jun kisach chi’ eri kachalal e opaninaq che b’iw ub’ixik pa jun comisaría, pa taq estaciones xuquje’ subestación rech ajchajil tinamit, rumal k’ut k’o jun ub’anik rilik ri’ kumal e ajchajil tinamit xuquje’ ri tzukno’jchakunel ri’, are wa’ kub’ij eri e ajchajinelab’ are kichak kakik’ul panoq ri ub’ixik ri’ rech kakiq’axe’j ub’ixik pa le jachakunb’al rech Alba Keneth”.
Chi la’ k’ut che ri man keraq ta wiri’ ri taq ak’alab’ ri’ katerenb’ex kitzukuxik ri’, rumal k’ut eri konojel ri winaqil xa’ kiqojom kichoch ri’ rumal ri’ sib’alaj k’ax keraqataj loq.
Eri q’atb’altzij rech ajchajil tinamit xkib’ij ri’ eri ronojel ri’ are e tzukum ri’ e chomam ri’, emu wari’ kakib’an jun sik’inik chi ke taq ri e achalalil aretaq kiriq taj loq ri ak’al xuquje’ ri q’apoj ri’ rajawaxik b’a’ kakijacho kib’ pa le oficinas rech Alba Keneth rech ri Procuraduría rech Amaq’il rech kakesaj ri ub’ixik chi la’.