Eri Departamento rech Tránsito xtzukuj kitzijol e 800 chi winaqil pa taq tzukunem ri’

Eri q’atb’altzij rech ri b’anoj tzukunem rech ri Departamento rech Tránsito rech ri Wokajil Ajchajil Tinamit (PNC), xkiya’ utzijol uwachinem ri b’anoj tzukunik xb’antaj pa junamil ri’ pa Chimaltenango, Sanarate, Guatemala, Escuintla xuquje’ Chuwi’meq’ina’ ri’, chi’ k’u ri’ e k’o 875 chi winaqil xkita kitzijolil, ruk’ 863 chi ch’ich’ keb’inisaxik xuquje’ k’o keb’ chi k’aqb’al xriqitaj ri’.

Eri b’anoj tzukunem ri’ are xb’anik pa le 21 rech enero k’a pa panik’aj kajb’al rech nimaq’ab’ ri’ pa b’elejeb’ kajb’al rech chaq’ab’ chik, chi’ k’u ri’ eri reqa’lenel ajchajil tinamit xkikoj ri’ 119 chi tojb’al chi ke e ajb’inisal taq ch’ich’, k’o oxib’ wujil rech b’inisab’al ch’ich’ xuquje’ are xkoj che rilik ri MI3 ri wujilal ri’ chi ke 73 chi winaqil xuquje’ k’o 16 chi solinem xb’antaj ri’.

Are wa’ xb’antajik rech uq’qatexik riqoj k’ax pa taq nimab’e ri’, rech kiq’atexik winaq k’o kimak kib’anom, ruk’ k’aqb’alil keq’ax pa awalik ri’.

Alerta de Corrupción

Ultimas noticias