Eri rajchak ri Educación Vial rech ri Departamento rech Tránsito rech ri Wokajil Ajchajil Tinamit, pa komonchak kuk’ ri Policía Municial rech Tránsito rech Villa Nueva, k’o jun nimalaj ya’olchajinem ketajin che ub’anik ri’ uwach ri cholchak rech tzukunem ya’olchajinik rech pa k’isb’al junab’ ri’, pa le kilómetro 14 nimab’e kab’e Villa Nueva ri’.
Eri Rony Veliz, ajtzijolinel ri are xuya’ loq utzijol ch eri taqim ruk’ wa’ are jun b’anoj sik’inem chi ke ri winaqil pa tinamit rech xe’upixb’ej ri’ maj jun b’a’ chi ke kakitij tzam are chi’ kakib’inisaj ch’ich’ ri’, chakikojo b’a’ to’b’al kijolom xuquje’ makititz’o b’i e k’i winaq pa taq le ch’ich’ kakib’inisaj ri’ xaq mech’a’w panoq pa taq ch’a’wib’alil ri’.
“Pa taq le b’anoj tzukunem ri’ are wa’ kutun rib’ ruk’ ri jo’ob’ chik katajin pa taq nik’aj k’olib’alil pa we amaq’, pa amaq’el b’a’ kataqixik ya’el uchuq’ab’ ri nab’ejsab’al q’atenik b’anoj k’ax pa taq ri nimab’e che ri qas e k’ax ri’, rech maj riqow k’ax pa taq nimab’e ri’, xcha’ ri a Veliz.
Eri eqa’lenel ri’ e k’o 20 chi kejch’ich’ xkita kiwujil kitzijol ri’, jeri’ e k’o lajuj chi ch’ich’rech eqa’nib’al xesolixik xuquje’ ruk’ lajuj chi ch’ich’ chik b’inisam kumal winaq ri’.
Are wa’ kutun rib’ ruk’ ri tob’anem ya’tal chi ke ri winaq k’o tojb’al chi kij rech kekowinik kakitz’ib’aj kib’ pa jun retal b’anoj tijonem pa uwachwuj k’amq’aq’nil ri’ chi’ k’u ri’ ya’tal jun no’jtzijob’enik chi ke rech kakich’ob’ retal ri etab’anem chi ke ri’, aretaq we xkich’ak ri’ ruk’ 71 rajilab’al kesax ri tojb’al chi kij ri’, we man kekowin taj ke’opan pa le rajilab’al ri’ kakitoj ri’ ri tojb’al k’o chi kij.