Eri reqa’lenel ri División rech Puertos, Aeropuertos xuquje’ Puestos Fronterizos (Dipafront) ri’ rech ri Wokajil Ajchajil Tinamit (PNC), xkichap jun pandillero salvadoreño, pa jun tzukunik xb’an pa le kilómetro 105 ruta CA-8, okib’al pa Jalpatagua, Jutiapa ri’.
Eri jun xchap ri’ kab’ixik are ri’ a José Fredy Argueta Hernández, 32 ujunab’, kab’ixik maj uwujilal reqam rech kab’in tane’ pa rulewal qatinamit. Eri jun winaq ri’ sib’alaj tz’ib’atal rij ri kuq’alajisaj che uwinaqil ri Barrio 18 ri’.
Eri wokajilal ri’ are ajchajinem tinamit rumal ri’ xub’ij che ri jun xchapataj ri’ xk’am b’i pa rachoch ri Instituto Guatemalteco rech Migración (IGM) k’o pa le aduana Valle Nuevo, Jutiapa ri’, rech kataq b’i pa kq’ab’ ri q’atb’al tzij rech kab’e pa utinamit rech El Salvador.
Pa le uq’ijolal ri Plan Operativo Táctico Integral 13-2022 xtaq ub’anik rumal ri Wokom Taqawokaj rech Iximulew xuquje’ rumal ri Ministerio rech Gobernación (Mingob), xtaq kichapik e 53 chi pandilleros salvadoreños ri’.