Eri DIPANDA e k’o k’i winaq xe’uchap uloq rumal q’atoj toq’inik pwaq kumal

 

Pa k’i b’anoj tzukunem ya’olchajinik kumal e ajchajil tinamit rech ri Wokajil Jachakunb’al rech Q’atel ri Pandillas ri’ (DIPANDA) rech ri Wokajil Ajchajil Tinamit (PNC), chi’ k’u ri’ xechapataj e oxib’ winaqil rumal k’o toq’inik pwaq xkib’ano xuquje’ rumal kamisanik, ruk’ jun chik ajtoq’inik pwaq ri’.

Eri nab’e chi ke ri keb’ winaqil e ajtoq’inik pwaq e are: al Xoila Valentina Revolorio 22 ujunab’ (ri k’o jo’ob’ mul taqim uchapik loq), xuquje’ al Myrna Liliana Revolorio Bustamante 57 ujunab’, ri xechapik pa le 2a. Avenida 9a. calle rech Escuintla ri’.

Pa le calzada Roosevelt, eri e ajchajil tinamit xkiterenb’ej kij nik’aj e ajb’anol toq’inik pwaq ri’, chi’ k’u ri’ k’o jun winaq xchapik aretaq tajin kutoq’ij Q. 10, 000 chi re jun ajk’ayinel ri’, xb’antaj kowinem xchapik pa komonchak kuk’ ri DIPANDA are chi’ xkib’ij che jun b’anol k’ax ri’ Q. 5,000 kakiya’ chi re ri’.

Aretaq eri jun b’anol k’ax ri’ xopan che uk’amik ri pwaq xutoq’ij, aretaq xq’atexik ri are xraj xk’aqan chi ke ri e ajchajil tinamit rumal ri’ xk’aqik xkam jun achi ri’ chi’.

Pa k’isb’al pa le finca el Naranjo pa Juyub’al rech San Pedro Ayampuc, eri e ajchajil tinamit xkichapo jun achi ub’i’ Luis David Bac Chávez 22 ujunab’, are kab’ixik k’o jun ali xukamisaj rumal ri’ tajin karaj xumuq tane’ pa jun peraj juyub’ chi’.

Ruk’ jun winaq ri’ xraq wi: jun ch’awib’al jun q’eq eqab’al, ratz’iyaq ri ali xukamisaj k’o kik’ chi rij.

Eri q’atb’altzij xkib’aj che ri Bac Chávez are uwinaqil ri jun molaj b’anol k’ax ub’i’ MDR rech ri barrio 18 che ri tajin kakib’an k’ax pa juyub’al rech San Pedro Ayampuc xuquje’ pa zona 18.

Alerta de Corrupción

Ultimas noticias