Pa le keb’ tzukunik xkib’an ri’ reqa’lenel ri Wokajil Ajchajil K’ache’laj (DIPRONA) ri’ rech ri Wokajil Ajchajil Tinamit (PNC) e k’o oxib’ chi winaqil xkichap loq aretaq keqam b’i pa jun ch’ich’ che’ qupim chik maj uwuj che ri ya’tal loq rumal ri Consejo Nacional rech Áreas Protegidas (CONAP) ri’.
Are nab’e xriqitajik are pa le kilómetro 117 nimab’e ruta CA2 pa Chiquimulilla, Santa Rosa, chi’ k’u ri’ xchapataj wi loq a José Adelso Aguilar Cazún 61 ujunab’ ri kab’ixik k’o che’ qupim chik uk’amom b’i le jun ch’ich’ Pick UP, marca Toyota ub’inisam ri’ chi upam ri’ uk’amom wi b’i ri che’ ub’i’ Chichiqué, rumal ri’ xtaq ri uwujil chi re rech kesax pa INAB, ri are xub’ij man k’ot ri uwuj ri’, aretaq xpajik rij le che’ reqam b’i ri’ xq’alajinik k’o 1.5 chi etok’al chi che’ ri’ reqam b’i rumal ri’ xchap loq.
Pa le jun chik ri’ xeriqitaj wi ri a Williams John Rodríguez Ochoa 61 ujunab’ xuquje’ a Wilfredo Rodríguez Felipe 28 ujunab’, pa le kilómetro 180.1 nimab’e kab’e pa Atlántico ri’, aldea Veracruz Puerto Barrios Izabal ri’, chi’ k’ut xeriqitaj wiri’ aretaq ketajin che umolik ri che’ xuquje’ ketajin che raq’ansaxik pa jun ch’ich’ pickup ri’, utaretal P 426DCK, maj uwujil kumal ri’.
Eri reqa’lenel ri DIPRONA ri’ xkiriq kuk’ 1.5 chi etok’al kapajan ri’chi che’ qupim chikk rech ri uwach che’ San juan ri’, rumal ri’ xek’am b’i pa q’atb’altzij rech Puerto Barrios, Izabal ri’ chi rij ri b’anoj k’ax ri’.