Pa b’anoj pa aninaqil kumal reqa’lenel ri División rech Ajchajil K’ache’laj (DIPRONA) e k’o kajib’ chi awajil ri tajin usachik uwach xeresaj loq pa k’ax aretaq e k’amom b’i kumal nik’aj itzel winaq rech kakik’ayij ri’.
Eri taqanel rech DIPRONA, Edgar de la Cruz xub’ij eri ajchajil tinamit xkib’an tzukunem ya’olchajinik chi uchi’ ri nimaja’ Motagua pa rulewal juyub’ rech ri aldea Palo Amontonado, Guastatoya, El Progreso ri’.
Eri reqa’lenel chajinem chi’ aretaq ketajin che b’anoj tzukunem ya’olchajinik rech uq’atexik b’anoj k’ax che ri k’ache’laj ri’ rech sib’alaj xkib’an rilik ri xkib’ij ri winaqil che maj pa usaqil e k’o winaq tajin kakichap b’i awajil chi’ rumal ri’ xekowin che uriqik oxib’ chi Igunas q’eq kij eri kib’i’ kumal e ajno’jch’ob’oj ri’ are Ctenosaura Símilis xuquje’ ruk’ jun ch’uti’n ib’oy are ub’i’ kojom Dasypus Novemcinctus ri keriqitaj pa le ox kacholajil che ri tajin usachik uwach rech Ixim Nimatinamit LEA rech ri Consejo Nacional rech Áreas Protegidas (CONAP) ri’.
Eri awajil rech k’ache’laj ri’ are tzaqom kanoq kumal winaq e ajchapol kech aretaq xaq k’a te’et xkil kuwach ri reqa’lenel ri DIPRONA ri’, ri xkesaj pa k’ax ri awajil ri’ xuquje’ are xkijach b’i pa kiq’ab’ ri q’atb’altzij rech ri CONAP.