Pa le Kilómetro 26 pa Nimab’e Interamericana, rech ri uq’ab’ tinamit rech San Lucas, Sacatepéquez, ketajin wi reqa’lenel ri Wokajil Ajchajil Tinamit (PNC) pa unimaxik ri xtaq ub’anik rumal ri’ k’amal b’e amaq’ pa le Ministerio rech Gobernación xuquje’ kumal ri q’atb’altzij rech e ajchajil tinamit, katerenb’em k’ut ruk’ ri ya’oltzijol rech uq’atexik jun k’ax yab’il COVID-19 che xujipij rib’ pa we amaq’ ri’.
Pa le Comisaría 74 ri k’o pa tinamit rech Sacatepéquez ri k’o k’olib’al chajinem ukojom pa le nimab’e ri’ rech kaq’atexik ri winaqil che ri tajin kakaj keb’e pa nik’aj chik tinamit, rumal ri’ e k’o radio patrullas ketajin pa ya’olchajinem chi’ ri k’o wujtzijol xkikoj chi’ rech kib’im chi uwach majun winaq b’a’ kok’owisan tane’ tzij che ri nimatzij taqom ukojik rech kanimaxik ri’.
Rumal ri’ k’o jun ch’ich’ rech ya’olchajinem ri’ ri are rajilab’al retal SGPD – 023 ri’ rech kurilo man kakititz’o ta kib’ ri ch’ich’ pa nimab’e ri’ che ri keb’e pa nimatinamit kuk’ ri ketzalij pa taq katinamit ri’, ruk’ wa’ rech e k’o che katziloxik ri winaqil che ri kechakun taj kuk’ ri e jaqal pa nik’aj chik katinamit, jacha’ ri tajin kab’an we chanim rech kepixb’ax b’i rech uq’atexik ri jun k’ax yab’il ub’i’ Coronavirus chi ke ri winaqil che ri kakaj keb’e pa taq nik’aj chik kik’olib’alil ri’.