Eri e ajno’jinel rech chajin tinamit xetijox chi rij uporoxik uk’u’x awan kunb’al pa le Nimaja Uk’olib’alil ri’

Rumal are wa’ xtaq ub’anik ri K’amal b’e Amaq’ Alejandro Giammattei xuquje’ rumal ri Ministro rech Gobernación, David Napoleón Barrientos ri’, eri Quinto Viceministro, Fernando Rodas xe’uk’ul panoq jun puq ajilonelab’ pa le Complejo rech Precursores Químicos k’o pa le finca Estanzuela xuquje’ Navajas, San José del Golfo, Iximulew ri’.

Chi la’ k’ut, eri reqa’lenel ri Subdirección General rech Análisis rech Información Antinarcótica (SGAIA) ri’, rech ri Wokajil Ajchajil Tinamit (PNC) xuquje’ kuk’ ri reqa’lenel ri Unidad Especial Antinarcótica (Unesa) ri’, xkib’ij che ri 32 ajchomanelab’ rech taq nimatinamit e ajno’jinelab’ chi rij ri uk’u’x awan kunb’alil xuquje’ jastaq rech kunanib’al winaq rech ri  Comisión Interamericana rech ri Control xuquje’ Abuso rech Drogas ri’ ub’i’ (CICAD) rech ri Organización rech Estados Americanos ri’ xkitzijoj ri k’aslemam chi kuwach ri’, ri utzalaj taq b’anonem xkuquje’ rech unuk’ik ukolik ri’, uporoxik xuquje’ ri etab’al b’anoj rech chajin uk’aslemal ulewal k’ache’laj ri’ che ri kab’an pa le nimaporob’al rech uk’u’x awan kunb’al ri’, ri xaq xu’ wiri’ jun pa Centroamérica xuquje’ k’o pa le uperajil rulewal Latinoamérica ri’.

Eri nimatat Rodas ri’ achb’ilam kumal rajpatanel ri Oficina rech ri Naciones Unidas rech Qatenik Awan Kunb’al xuquje’ ri B’anoj taq K’ax ri’ ub’i’ (UNODC) xuquje’ rech ri Secretaría Ejecutiva rech ri Comisión Q’atenel rech Adicciones xuquje’ ri Tráfico Ilícito rech Drogas ub’i’ (SECCATID) ri’.

Eri Quinto Viceministro xub’ij che ri winaqil ke’opan ri’ pa le keb’ k’isb’al junab’ ri’ pa we Amaq’ e are e ajilonel rech uq’axexik wari’, uk’olik wari’ xuquje’ uporoxik ri uk’u’x awan kunb’al pa le nimalaj rulewal tinamit, ruk’ wa’ are kaloq’ax rilik uwach wari’ kumal nik’aj chik nimatinamit.

Eri nimpatanel ri’ xub’ij che pa junab’ ri’ are chakum chik ronojel uwach uporoxik ri’ xuquje’ are karaj na oxib’ ik’ ri’, rumal k’u ri’ xb’antaj kowonem xporoxik 1040 chi nimaq’ taq eqa’n pajb’al ri awan kunb’al xporox ri’.

Xub’ij ri’ che ok’owinaq chik lajuj junab’ tajin che upatan we nimaja k’olib’al ri’ xuquje’ are la’ xsuk’umaxik ruk’ utob’anik ri Estados Unidos, rumal ri’ xok’ow uwi pa ub’anik usachik uwach ri uk’u’x awan kunb’al ri’.

Pa k’isb’alil, eri nimpatanel Rodas ri’ xub’ij k’o nim upatanib’al ri chak b’anom kumal ri taqawokajilal ri’ e are k’ut ri xechakun ri’ le Minsiterio Público ub’i’ (MP), le Ministerio rech ri  Defensa ub’i’ (Mindef) ri’, le Organismo Judicial ub’i’ OJ) ri’, le Ministerio rech Salud Pública xuquje’ Asistencia Social ub’i’ (MSPAS) ri’, le Ministerio rech Ambiente xuquje’ Recursos Naturales ub’i’ (MARN) ri’. 

Noticias Recientes