Pa we junab’ ri’, eri q’atb’altzij rech ri Wokajil Jachakunb’al rech rech Aqtulisal poq’sab’al (DIDAE), k’o 57 poq’sab’al xkiraqo, ruk’ 387 chi nik’aj poq’sab’al chik xuquje’ 23 chi k’aqb’alil, ruk’ 800 ub’aq’ k’aqb’alil xkiraqo pa we amaq’, chi’ k’u ri’ xechapataj wi loq e 53 chi winaqil ri’.
Eri nik’aj winaq xechapataj ri’ eri kimaj are wari’: Elaq’ toq’inik pwaq, rumal keqam ub’aq’ k’aqb’alil, ri b’anoj k’ax kamisanik, ri choman banoj k’ax, reqaxik k’aqb’alil maj pa usaqil, keleq’axik ch’a’wib’alil, b’anoj yoq’onem ch’ayonem, xuquje’ b’anoj xib’inik pa tinamit, rumal utijik itzel kunb’alil, rumal xkich’ayo ri PNC, b’anoj k’ax chi ke ixoqib’ ri’.
Xuquje’ er k’aqb’alil raqom ri’, k’o 57 chi ke ri’, k’o granadas químicas, k’o rech poq’sab’al, k’o xaq b’anom, k’o rech q’aq’, k’o rech kupaqanisaj ke’ujoq’isaaj pa kitza’m winaq ri’. K’o 400 chi poq’sab’al xraqataj pa Santa Catarina, Ixtahuacán, Tzoloja’, pa le Estado de Sitio ri xuya’o nim joremal chi ke ri winaqil pa tinamit ri’.
Eri k’aqb’alil xraqataj kumal ri’ eri q’atb’altzij xkib’ij che k’o 23 ri’, chi ke ri’ are wari’: k’o raqarik k’aqb’alil, k’o kupkik k’aqb’alil, k’o k’aqb’al rech gas utz’aqim rib’ xuquje’ k’o xaq b’anom ri’ are wa’ xraqatajik xuquje’ xk’am b’i rumal q’atb’altzij ri’.
Eri q’atb’altzij xkisik’ij ri winaqilal rech kakub’ kik’u’x chi ke ri PNC xuquje’ rech keb’e kakiyutij ri e ajb’anol k’ax chi’, rumal ri’ chesik’in panoq pa le 110 rech ri Wokajil Ajchajil Tinamit ri’.