Sib’alaj taqim k’ut kasuk’umaxik ri e tz’apilik pache’ pa uq’ab’ ri Dirección General rech ri Sistema Penitenciario (DGSP), ri xmajtaj loq ub’anik a le nab’e q’ij rech enero pa we q’ij kamik, tajin ri jalajoj taq uwach tijonem ri’, k’uttijonik, ruk’ nik’aj ub’anik tijonem chi ke ri’.
Eri rajilab’al xya’taj rumal ri Sistema Penitenciario xuq’alaj che e k’o 16 993 chi e tz’apilik ri’, tajin ketatab’enik pa taq tijonem pa we junab’ ri’, xuquje’ e k’i chi ke sib’alaj katajin katijoxik rech are la’ k’o kupatanij chi ke are chi’ keb’e pa kachoch ri’ rech k’o ri kakichakuj pa katinamit ri’.
Rumal ri’ e k’o 800 chi e ajpache’ ketajin pa k’ak’ tijonem pa jalajoj taq uwach eta’manik, e k’o 388 ketajin che resaxik jun diplomado ri’, e k’o 1903 tajin ketatab’enik pa taq tijonem chi saq ri’ xuquje’ e k’o 1245 chi q’attijonem ri’, ronojel wari’ jachatil ub’anik pa taq le 22 chi rachoch japache’ tz’apib’al k’o we amaq’ ri’.
Eri tijob’enik ri’
Eri cholchak rech b’anoj taq tijonem ri’ are la’ k’o pa uq’ab’ ri área rech Psicología ri’ e are ri ajpache’ ya’tal chi ke ke’ok pa le tijonem chi ke tat nan ri’, rech kakimach’ach’ij kib’, rech kesax ri q’oxom jolom chi ke, rech qastzij b’a’ ketzijob’exik, rech k’o ri kakichakuj pa kik’aslemal pa kitukel ri’, rech keta’m k’o ri kakipatanij xuquje’ rech uq’atexik utijik itzel taq tijow ri’.
Eri ub’anik ri tijonem ri’, eri cursos extra escolares are ri qas ketijox chi rij are rech kakichokonsal che’ ri’, qupib’al wi’aj, b’anoj wa rikil, joson che’, kematz’ib’anem, xajoj, k’amq’aq’nil, b’ix, qojomanem, rech kakikoj kik’ay, rech b’anob’al kaxlanwa, rech ukunaxik ja wo taq xan, rech uch’ob’ik Inglés tzij ri’, rech suk’umal ch’ich’, rech kakit’iq atz’iyaqb’alil, rech b’anoj taq kunanem, ruk’ nik’aj chik ri’.